मन्त्रीले खटाएको ठाउँमा सबै गए, महेन्द्र श्रेष्ठ गएनन्, भन्छनः समायोजन ऐन विपरित भयो


Download our app to get more features

काठमाडौं, २४ साउन। केहिदिन अगाडि उपप्रधान एवम् स्वास्थ्य मन्त्री उपेन्द्र यादवले उच्च स्तरका कर्मचारिहरुलाई सरुवा गरेका थिए । उक्त सरुवा पछि सरुवा गरेका सबैजसो अहिले आफ्ना–आफ्ना काममा गएका छन् ।

नीति योजना अन्तर्राष्ट्रिय महाशाखाका महेन्द्र श्रेष्ठ, बिकास लामिछाने, आरपि विच्छा, भोगेन्द्रराज डोटेल, तारा पौडेललाई सरुवा गरेका हुन् । हाल उनिहरु सबैजसो जिम्मेवारी सम्हाल्न तोकेको ठाउँमा गएका छन् । तर, महेन्द्र श्रेष्ठले भने अटेरी गरेर बसेको पाइएको छ ।

vayoda

bp_ad

यसरी हेर्दा हाल उनले शक्ति र सचिव आफ्नो पक्कडमा राखेर आफूलाई भनिएको ठाउँमा अर्को व्यक्ति पठाएका छन् । अरु जाने उनी नजाने किन ? मन्त्रालयभित्र र बाहिर चर्चा हुन थालेकाे छ । 'याे हेर्दा अन्यलाई नियम लाग्ने तर उनलाई नलाग्ने जस्तो देखिएको छ ।' मन्त्रालयका एक अधिकारीले भने ।

तर, श्रेष्ठले भने आफ्नो सरुवा समायोजन ऐन विपरित भएको प्रतिक्रिया दिएका छन् । समायोजन ऐन अनुसार कर्मचारी मन्त्रीले खटाउन पाउने व्यवस्था भएपनि ११ औं तहको व्यक्तिलाई संघमा मात्रै खटाउन पाउने व्यवस्था रहेको श्रेष्ठले बताए ।

उनले भने, ‘ऐन अनुसार संघियमा ११ औँ तहको व्यक्तिलाई मन्त्रीले खटाउँन पाउँछन् । तर प्रदेशमा पठाउनको लागि ११ औं तहको लागि मन्त्रीपरिषद्बाट पास हुनपर्छ । त्यसमा पनि म ११ औं तहको पहिलो व्यक्ति हुँ ।’

उनले थपे,‘त्यसैले मैले निवेदन दिएको हुँ । संघमा जानको लागि ९ र १० तहका कर्मचारीलाई मात्रै मन्त्रीले खटाउन पाउँछन् । समायोजन ऐन २०७४ अनुसार मन्त्रीले यसरी ११ औं तहको कर्मचारीलाई प्रदेशमा खटाउनु गैरकानुनी हो ।’

Last modified on 2018-08-09 17:46:14

bnc samyog_advertisement bathrog

Leave a Comment


फेसबुकबाट तपाईको प्रतिक्रिया

BlueCross_Dec12 Related Posts norvic_hospital