काठमाण्डौ, २६ साउन । सरकारी चिकित्सक संघ गोदानले डा. गोविन्द केसीको माग सम्बोधन गर्न दबाब दिँदै भोलिदेखि सबै अस्पतालको आकस्मिक बाहेकका सेवामा सहभागी नहुने घोषणा गरेको छ ।

 संघले बिहीवार आकस्मिक बैठक बसेर विज्ञप्ति जारी गर्दै डा. केसीको खस्कँदो स्वास्थ्य अवस्थाप्रति चिन्ता व्यक्त गर्दै आन्दोलनको कार्यक्रमलाई थप सशक्त बनाउने निर्णय गरेको बताएको छ । १८ दिनदेखि आमरण अनशनमा रहँदा पनि सरकारले केही चरणको औपचारिक वार्ता शिवाय केही नगरेको संघको आरोप छ । अस्पतालका सेवा बन्द गर्दा पर्न जाने असुविधाको जिम्मेवारी सरकारले लिनुपर्ने संघको विज्ञप्तिमा जनाइएको छ । 

Hamro Doctor