अल्का अस्पतालले हेल्दी बेबी प्रतियोगिता आयोजना गर्ने
ललितपुर, ८ जेठ । अल्का अस्पतालले अघिल्ला वर्षमा जस्तै यसवर्ष पनि हेल्दी बेबी प्रतियोगिता आयोजना गर्ने भएको छ । लाइन्स क्लब इन्टरनेसनल डिस्ट्रिक ३२५ एको सहकार्यमा अस्पतालले प्रतियोगिता आयोजना गर्न लागेको हो ।
प्रतियोगिता १२ जेठमा अस्पताल परिसर जावलाखेलमा हुने अस्पतालकी कार्यकारी निर्देशक तथा हेल्दी बेबी प्रतियोगिताकी अध्यक्ष विद्या श्रेष्ठले जानकारी दिइन ।
प्रतियोगितामा नाम दर्ताको लागि बच्चाको जन्ममिति प्रमाणपत्रको प्रतिलिपि, नियमित खोप लगाइएको कार्ड र पासपोर्ट साइजको २ वटा रंगिन फोटो आवश्यक पर्ने अस्पतालकी प्रशासन प्रमुख रोजिका प्रधानले जानकारी दिइन ।
जन्मेदेखि १ वर्षसम्मका ५० जना, १ वर्षदेखि ३ वर्षसम्मका ७५ जना र ३ वर्षदेखि ५ वर्षसम्मका ७५ जना बालबालिकालाई प्रतियोगितामा सहभागी गराइनेछ । बिजेताले नगद तथा आकर्षक पुरस्कार प्राप्त गर्नेछन् ।
प्रतियोगितामा सहभागी भएका बाबुआमालाई बच्चाको शारीरिक, मानसिक, पुर्ण खोप तथा पोषण सम्बन्धी जानकारी समेत दिइने अस्पतालले जनाएको छ ।
I just want to participate my baby plz inform me in detail
Kaila saama firm varnu parna where bujaunu parna form yo pani jankari huna sakxa ki?????