इपिडिमियोलोजी तथा रोग नियन्त्रण महाशाखाका प्रमुख डा. बाबुराम मरासिनीले सन् २०२५ सम्ममा विश्व स्वास्थ्य संगठनबाट नेपाल औलामुक्त देशको प्रमाणपत्र प्राप्त गर्ने दावी गरेका छन् । आर्थिक वर्ष २०७१/०७२ मा नेपालमा १ हजार ३ सय ५२ जनामा औलो रोग देखिएको थियो । जसमध्ये ७ सय ४४ जनामा स्थानिय औलो र ६ सय ८ जनामा विदेशबाट सर्ने मलेरिया सरेको डा. मरासिनीले जानकारी दिए । पछिल्लो ३ वर्षदेखि नेपालमा औलो रोगको प्रभाव न्यून रहेको इपिडिमियोलोजी तथा रोग नियन्त्रण  महाशाखाको दावी छ । तर भूकम्प प्रभावित क्षेत्रमा भने औलो रोग नियन्त्रण गर्न चुनौती रहेको महाशाखाले जनाएको छ ।