योजना आयोगका पूर्वउपाध्यक्ष शाक्यको कोरोना संक्रमणबाट निधन
काठमाडौं, ११ मंसिर । राष्ट्रिय योजना आयोगका पूर्व उपाध्यक्ष डा. रवीन्द्रकुमार शाक्यको निधन भएको छ।
मेडिसिटी अस्पतालकी जनसम्पर्क अधिकृत मनिता पोखरेलका अनुसार ७६ बर्षीय शाक्यको आज विहान ४ बजे निधनले भएको हो । गएको २० कात्तिकमा कोरोना संक्रमण देखिएका शाक्यलाई २५ कात्तिकमा ग्लोबल अस्पतालमा भर्ना गराएका थिए ।
स्वास्थ्य अवस्थामा सुधार नआएपछि ९ मंसिरमा मेडिसिटी अस्पताल भेन्टिलेटरमा उपचार गरिएको थियो । शाक्य खिलराज रेग्मी अध्यक्ष रहेको सरकारको पालामा राष्ट्रिय योजना आयोगका उपाध्यक्ष थिए।
राष्ट्रिय योजना आयोगको कर्मचारीका रुपमा काम गरेका उनी सेवानिवृत्त भएपछि खिलराज रेग्मीको मन्त्रिपरिषद्ले उनलाई आयोगको उपाध्यक्ष बनाएको थियो।
