यी हुन् बालबालिकाका आँखामा धेरै देखिने समस्या


Download our app to get more features
Spark_health_home Birat Hospital NHEICC

दृष्टिदोष, अल्छी आँखा, छड्के आँखा, जन्मजात हुने मोती विन्दु, जलविन्दु, आँखामा लाग्ने चोटपटक, संक्रमण (आँखा पाक्ने), एलर्जी, रतन्धो आदि बालबालिकामा सबै भन्दा धेरै हुने समस्या हुन् ।

कारण 
यदि परिवारको कुनै व्यक्तिलाई आँखा सम्बन्धी समस्या छ भने बालबालिकामा पनि ती समस्या देखिने सम्भावना उच्च हुन्छ । घाममा धेरै खेल्ने, मोबाइल, कम्प्युटरमा धेरै समय खर्चने बालबालिकामा पनि आँखाको समस्या चाडै देखिन्छ । 

vayoda

bp_ad

लक्षण
आँखाकोे नानी सेतो देखिनु ।
कुनै पनि वस्तु हेर्नु परे मुन्टो तथा अनुहार बङ्ग्याउनु ।
आँखा छड्के देखिनु ।
आँसु आउनु, आँखा धेरै झिम्झिम गर्नु ।
आँखा रातो हुनु ।
आँखा चिलाइरहनु ।
टेलिभिजनलाई नजिकबाट हेर्नु ।

ध्यान दिनुपर्ने कुराहरू
कुनै बालबालिकामा आँखा सम्बन्धी माथि उल्लेखित लक्षण देखिए तुरुन्तै आँखा जाँच गराउनु पर्छ । साथै कुनै समस्या नदेखिए पनि शिशु जन्मेको ४५ दिनदेखि दुई महिनामा एक पटक, ६ महिनामा एक पटक, स्कूल भर्ना हुने समय (३–४ वर्ष) मा एक पटक आँखा जचाउनु पर्छ ।
पछि ८–१० वर्ष नपुगुन्जेलसम्म प्रत्येक वर्ष आँखा जाँच गराउनु पर्छ । यसका साथै कम तौल भएका वा ९ महिना अघि नै जन्मिएका शिशुहरु (प्रिम्याच्योर बेबी) को आँखा जन्मेको एक महिनादेखि ६ साताभित्र जाँच गराउनु पर्छ ।

सुझाव
बालबालिकाहरू आँखामा हुने विविध समस्या र लक्षण बारे थाहा पाउँदैनन् । उनीहरु आँखा दुख्ने, रातो हुने, दृष्टि कमजोर हुने जस्ता विषय ख्याल गर्न सक्ने अवस्थामा पनि हँुन्दैनन् । यसकारण उनीहरुको स्वास्थ्य, आनीबानीमा अभिभावकले नै ख्याल गर्नुपर्छ । 
 

Last modified on 2018-10-11 11:15:35

gch_ivf samyog_advertisement bathrog

Leave a Comment

NIdan Hospital tuberculosis

फेसबुकबाट तपाईको प्रतिक्रिया

Related Posts