आँखा स्वास्थ्य सम्बन्धी अध्ययन ‘इपिडिमियोलोजी अफ ब्लाइन्डनेस इन नेपाल ०१०’ का अनुसार नेपालमा एक लाख २० हजार मानिस दृष्टिविहिन छन् । यस्तै साढे ११ लाख मानिसमा रहेको दृष्टिदोष मध्ये करिब ७० प्रतिशतको उपचार गरे निको हुने अवस्था छ । अन्य थप तथ्य निम्न छन् :-

• एक लाख २० हजार मानिस दृष्टिविहिन छन् । 
• १० लाख २५ हजार मानिसमा उच्च तथा मध्यम दृष्टिदोषको समस्या छ ।
• ११ लाख ५० हजार मानिस अन्धोपन वा दृष्टिदोषबाट प्रभावित छन् । 
• ६६ प्रतिशत अन्धोपनको उपचार हुन्छ । 
• १६ प्रतिशत अन्धोपन रोकथाम गर्न सकिने खालका छन् ।
• उच्च तथा मध्यम न्यूनदृष्टि रहेका मध्ये ६० प्रतिशत महिला छन् । 
• न्यूनदृष्टिको मुख्य कारणमा दृष्टिदोष, मोती विन्दु र जलविन्दु रहेका छन् । 
• दृष्टिविहिनको मुख्य कारणमा मोती विन्दु, जलविन्दु र आँखाको पर्दा रहेका छन् ।
• पछिल्लो २० वर्षमा संक्रमण जस्तैं ट्रकोमाका कारणले हुने न्यूनदृष्टि समस्यामा वृहत रुपमा घटेको छ । 
• हरेक वर्ष नेपालमा अनुमानित ३० प्रतिशत मानिसलाई आँखा जाँच गराउनुपर्ने देखिन्छ ।  
• सन् २०१४ मा नेपालमा गरिएको पहिलो र ठूलो सर्भेमा ० दशमलब ०६ प्रतिशत बालबालिकामा बालअन्धोपन देखिन्छ । त्यसमध्ये ८० प्रतिशत बालबालिकाको उपचार गरेर हटाउन सकिने अन्धोपन भेटिएको छ ।

अन्धोपनाका मूख्य कारणहरु

• मोती विन्दु र यस सम्बन्धि ६५ प्रतिशत 
• आँखाको पर्दाजन्य रोगह १३ प्रतिशत 
• आँखाको नानीमा हुने अन्धोपना ६ प्रतिशत 
• जलविन्दु ५ प्रतिशत
• दृष्टिदोष ४ प्रतिशत 
• अन्य ७ प्रतिशत 
   

Hamro Doctor