हालै गरिएको एक अध्ययन अनुसार अत्यधिक वायु प्रदूषण भएको स्थानमा रहने बच्चाहरु अन्य बच्चाहरुको तुलनामा अधिक मात्रामा जंक फुड खाने गर्छन् । अध्ययनकर्ताका अनुसार, वायुमा प्रदूषणको स्तर बढि हुनाले मानिसमा हाई ट्रान्स फ्याट डाइटको सेवन ३४ प्रतिशतले बढेर जान्छ । अत्यधिक वायु प्रदूषणको कारण मानिसहरु घरको साटो बाहिर गएर जंक फूड बढि खाने गरेको पनि अध्ययनमा पाइएको छ ।

हुन त यसको कारण अहिले सम्म पत्ता लाग्न सकेको छैन, आखिर किन यस्तो हुन्छ भनेर । तर, एक्सपर्टहरुका अनुसार यसको सम्बन्ध वायुमा पाइने प्रदूषित तत्वसँग जोडिएको छ । एक्सपर्टका अनुसार, प्रदूषणले शरीरलाई खानाको माध्यमबाट मिल्ने शक्ति र ब्लड शुगरमाथि प्रभाव पर्छ र भोक पनि कम लाग्न थाल्छ ।

यूनिभर्सिटी अफ सदर्न क्यालिफोर्नियाका अध्ययनकर्ताको टोलीले गरेको सो अध्ययनमा, वायु प्रदूषणको स्तरलाई कम गरेर मानिसमा मोटोपनको समस्यालाई पनि कम गर्न सकिन्छ । यो अध्ययन अमेरिकन जर्नल अफ क्लिनिकल न्यूट्रिशनमा प्रकाशित गरिएको छ । यस अध्ययनमा अध्ययनकर्ताको टोलीले ३ हजार १ सय बच्चालाई अध्ययनमा सहभागि गराएका थिए र उनमा वायु प्रदूषणका कारण हुने रेस्पिरेटरी सिस्टममाथि हुने प्रभावको जाँच पनि गरिएको थियो ।

अध्ययनमा सहभागि बच्चाहरुसँग उनको खानाको बारेमा केहि प्रश्नहरु सोधियो, कि उनीहरु बाहिर कुन बेला र के खान्छन् ? अध्ययनका क्रममा अध्ययनमा सहभागि सबै मानिसले घर वरपर भएका होटल, ठेलामा चिल्लो पिरो खाना खाने गरेको बताए । अध्ययनमा सहभागिहरुले घर वरपर भएको विजुलीको संयन्त्र र गाडीबाट निस्कने प्रदूषणको मात्रा पनि जाँच गरेका थिए ।

अध्ययनकर्ताका अनुसार वायु प्रदूषण अत्यधिक हुने ठाउँमा बच्चाहरुले उच्च बोसोयुक्त खानाको सेवन गरेको पाइयो । अत्यधिक वायु प्रदूषणमा रहने  बच्चा ३४ प्रतिशत बढि उच्च बोसो युक्त खाना खाने गरेको अध्ययनबाट पत्ता लागे अध्ययनकर्ताले दावी गरेका छन् ।

अध्ययनका अनुसार मुख्य लेखक डा.झाङ्गुहा चेनले बताए अनुसार, जसरी जसरी बच्चाहरु बढ्दै जान्छन् उनीहरु दिमागी अवस्थाहरु म्याच्योर पनि हुँदै जान्छन् । यस क्रममा पर्यावरणको कारकहरुले मानिसको दिमागमा अत्यधिक प्रभाव पर्न जान्छ । जुन लामो समय सम्म रहिरहन्छ । उनले भने, ‘वायु प्रदूषणले मानिसको मस्तिष्कको क्रियाकलाप र उनको खानामा हुने परिवर्तन र मोटोपनको कारण जाँच गर्नका लागि हामी अरु अध्ययनहरु पनि गर्ने तयारीमा छौं ।’

उसो अहिले सम्म यो पूर्ण रुपमा स्पष्ट भइसकेको छैन की वायु प्रदूषणको मोटोपनसँग के सम्बन्ध छ । वैज्ञानिकका अनुसार प्रदूषित हावामा श्वास लिनाले शरीर सुन्निन सक्छ । त्यस बाहेक प्रदूषित हावामा श्वास लिनाले शरीरलाई खानाबाट पनि शक्ति प्राप्त हुँदैन । जस कारण शरीरमा ब्लड शुगरको मात्रा कम हुन जान्छ । ब्लड शुगर कम हुनाले मानिसहरु आवश्यक्ता भन्दा बढि खान थाल्छन् जसको कारणले उनीहरुमा मोटोपन बढेर जान्छ । 

(एजेन्सीको सहयोगमा)
 

Hamro Doctor