लुम्बिनी प्रादेशिक अस्पतालका चिकित्सकले गरे चौरमै बसेर उपचार (फोटोफिचर)
रुपन्देही, २९ चैत । लुम्बिनी प्रादेशिक अस्पताल बुटवलमा कार्यरत चिकित्सकहरुले चौरमै बसेर बिरामीको उपचार गरेका छन् ।
कर्मचारी समायोजनमा असन्तुष्टी जनाउँदै विगत ८ दिन देखी आन्दोलनरत सरकारी चिकित्सकहरुले आन्दोलन स्वरुप चौरमै बसेर उपचार सेवा दिएका हुन् ।
हड्तालका कारण बिरामीलाई समस्या नहोस् भनेर बुटबलका चिकित्सकहरुले चौरमै बसेर बिरामीहरुको परीक्षण गरेका थिए ।
‘हामी आन्दोलनमा छौं तर बाहिरबाट आएका बिरामीलाई समस्या नहोस भनेर चेकजाच गरेका हौं’, एक चिकित्सकले भने ।
उनकाअनुसार अस्पतालबाट दैनिक दिइने सेवा रोकिएको छैन । चिकित्सकहरुले बिरामीको परीक्षण पछि आएका रिर्पोट समेत बाहिरै बसेर हेर्ने गरेका छन् ।
५ सय भन्दा बढी बिरामीको चौरबाटै उपचार भइसकेको अस्पताल प्रशासनले जनाएको छ ।
सरकारी चिकित्सक हाल देसरभरका सबै सरकारी अस्पतालमा ईर्मेजेन्सी बाहेकका सेवा बन्द गरेर आन्दोलनमा उत्रिएका छन् ।
