एमबीबीएस अध्ययनरत खनाल आठ दिनदेखि बेपत्ता
काठमाडौं, २४ जेठ । काठमाडौ मेडिकल कलेजमा एमबीबीएस गर्दौ गरेका शिशिर खनाल आठ दिन देखि हराईरहेका छन् ।
उनी गत शुक्रबार बेलुकादेखि हराईरहेका शिशिरका परिवारले जानकारी दिए । उनी मेडिकल कलेजमा अन्तिम वर्षको रूपमा अध्ययन गर्दै आएका विद्यार्थी हुन् ।
खनाल आफ्ना काका दिपक खनालको बा.87प. 7804 नं का रातो रकंको पल्सरमा घरबाट निस्केका थिए ।
उनको मोटरसाईकल शनिबार किर्तिपुर भन्दा माथि जंगलमा फेला परेपनि उनी अझै वेपत्ता रहेका छन् ।
शनिवार दिउँसो ३ बजे अन्तिम पटक खनालले बोक्दै आएको नेपाल टेलिकम र एनसेलको दुबै नम्बर ललितपुरको धोबिघाटमा देखिएको काका दिपकले हाम्रो डक्टरलाई बताए ।
तिनकुने निवासी खनाल अन्तिम वर्षको फाईनल परीक्षा सुरू हुनु भन्दा ३ दिन अघि देखि हराएका हुन् । हाल उक्त परीक्षा चलिरहेको छ ।
पढाइमा धेरै ध्यान दिने खनाल केही समयदेखि मन्दिर जाने, ध्यान केन्द्र तिर जाने गरेका काका दिपक ले बताए ।
उनी ४ वर्षको हुँदा सडक दुर्घटनामा आफ्ना बुवा आमा गुमाएका थिए । त्यसबेला उनका भाई भने मात्रै १० महिनाका थिए ।
त्यसपछि उनी भाईसँगै माईलोबुवासँग तिनकुनेमा बस्दै आएका थिए ।
