गर्भवती महिलाहरुलाई पोषण झोला तथा अभिमुखीकरण तालिम
काठमाडौं, ३२ जेठ । रुपन्देहीको पडसरी स्वास्थ्य चौकीमा ४,६,८ र ९ महिनामा गर्भ जाँच गराएका गर्भबती महिलाहरुलाई पोषण झोला तथा तिन दिने अभिमुखीकरण तालिम दिइएको छ ।
बच्चा जन्मेपछि कुपोषण हुनबाट बचाउने उद्देश्यले तालिम दिइएको हो।
ओमसतिया गाउँपालिका बडा नं २ का वडा अध्यक्ष ज्ञानेश श्रेष्ठको प्रमुख आतिथ्य गाउँपालिका स्वास्थ्य संयोजक राम प्रसाद भट्राईको बिशिष्ठ आतिथ्य तथा पडसरी स्वास्थ्य चौकीका प्रमुख हंसराज दौल्यालको अध्यक्षतामा तालिम सम्पन्न भएको थियो ।
तालिममा बोल्दै वडा अध्यक्ष श्रेष्ठले बालबालिकालाई कुपोषण हुनबाट बचाउनको लागी यो तालिम उपलब्धिमुलक रहने बताए ।
तिन दिनसम्म चलेको तालिमबाट सहभागी गर्भवती महिलाहरुले तालिम उपलब्धिमुलक रहेको बताए ।
तालिमको संञ्चालन कमला भन्डारी र शुसिला ढकालले गरेका थिए ।