अर्घाखाँचीमा भाईरल ज्वरोका बिरामी बढे, १५ शैयाको अस्पताल अस्तव्यस्त
अर्घाखाँची, ३ असोज । जिल्ला अस्पताल अर्घाखाँचीमा भाईरल ज्वरोबाट प्रभावित बिरामिको चाप बढेपछि अस्पताल नै अस्तव्यस्त बनेको छ । १५ शैयाको जिल्ला अस्पतालमा भाइरलका बिराकी राख्ने ठाउ नभएपछि अस्तव्यस्त बन्न पुगेको हो ।
अस्पतालको ओपीडीमा अहिले दैनिक २०० भन्दा बढी र इमरजेन्सीमा दैनिक १०० जनाको हाराहारीमा भाइरलका बिरामीहरू अस्पतालमा आउने गरेका छन् । अस्पतालमा जम्मा १५ शैया छन् तर बिरामी चाप ह्वात्तै बढेपछि बेडमा बिरामी राख्ने ठाउँ नभएर गल्लिमा राख्नु परेको अस्पतालका प्रमुख डा.जगन्नाथ तिवारीले बताए ।
जिल्ला अस्पतालमा मात्रै होइन जिल्लाका निजि अस्पताल तथा क्लिनिकहरुमा पनि भाइरल जरोका विरामीको संख्या बढेको छ । मौसम परिवर्तन संगै वर्षातमा प्रदुषित पानी पिउने भएकाले भाइरलको प्रकोप बढेको जिल्ला अस्पताल अर्घाखाँचीका चिकित्सक डा. कपिल गौतमले बताए ।
डेंगु र भाईरलका बिरामी एकैपटक अस्पताल आउदा अस्पतालमा स्वास्थ्य संवेदनशीलता अपनाउन कठानाई परेको छ । हाल सम्म सन्धिखर्क उपचार गर्न आएका बिरामीहरु दुई जनामा डेंगुको संक्रमण देखिएको छ । उनीहरुलाई थप उपचारको लागि लुम्बिनी प्रादेशिक अस्पताल बुटवलमा रिफर गरिएको छ । तीन दशक अगाडी निर्माण भएको १५ शैयाको जिल्ला अस्पताल हालसम्म पनि स्तरोन्नति भएको छैन ।
