कर्णाली स्वास्थ्य विज्ञान प्रतिष्ठानमा न्युरोसर्जरी सेवा सुरु
काठमाडौं, १६ फागुन। जुम्लास्थित कर्णाली स्वास्थ्य विज्ञान प्रतिष्ठानमा न्युरोसर्जरी सेवा सुरु हुने भएको छ ।
वीर अस्पतालमा कार्यरत न्युरोसर्जन डा. निलम खड्काको अगुवाइमा कर्णालीमै पहिलोपटक न्युरोसर्जरी सुरु हुन लागेको हो । यसबाट कर्णाली प्रदेशका विकट जिल्लाबाट टाउकोमा चोटपटक लागेका विरामीलाई नेपालगन्ज वा काठमान्डौ रिफर गर्नुपर्ने बाध्यता हट्ने प्रतिष्ठानमा कार्यरत एक चिकित्सकले बताए ।
यसैपटकदेखि एमडीजीपी अध्ययनको निम्ति तीन सीट पाएको कर्णाली स्वास्थ्य विज्ञान प्रतिष्ठानले निकट भविष्यमा एमविविएस लगायतका पढाइ पनि सुरु गर्ने तयारी गरेको छ ।
फोटो: डा मंगल रावलको फेसबुकबाट
