'चीनको साथमा छौ' भन्दै पोखरामा निकालियो र्याली
काठमाडौं, २० फाल्गुन । कोरोनाभाइरस विरुद्धको लडाइमा ऐक्यवद्दता जनाउँदै पोखरामा र्याली र जनचेतनामूलक कार्यक्रम गरिएको छ ।
पोखराका होटल व्यवसायी तथा नागरिक समाजको आयोजनामा लेकसाइडबाट सुरु भएको सो कार्यक्रममा कोरोनाभाइरसबाट बच्ने उपायहरुको पनि प्रचार गरियो ।
र्यालीमा नागरिक समाज, विद्यार्थी, प्रहरी लगायतले कोरोनाभाइरसबाट मृत्यु भएकाको सम्झनामा मैनबत्ती प्रज्वलनको साथसाथै हस्ताक्षर संकलन पनि गरेका थिए ।
देशको प्रमुख पर्यटकीय स्थल पोखरा यतिबेला कोरोनाले विश्व बजारमा पारेको असरले सुनसान छ । नेपाल सरकारले पनि भ्रमण वर्ष २०२० को कार्यक्रम हाललाई स्थगित गरेको छ ।