काठमाडौं, १२ चैत । विश्वव्यापी महामारी बनेको कोभिड-१९ अर्थात् नोवेल कोरोना भाइरसका कारण मृत्यु हुनेको संख्या १८ हजारभन्दा बढी पुगेको छ ।

विश्व स्वास्थ्य सङ्गठनले ११ मार्चमा कोभिड-१९ लाई विश्वव्यापी महामारी घोषणा गरेको थियो । पछिल्लो ३ महिनामा भाइरसका कारण विश्वभरका ४ लाखभन्दा बढी मानिस संक्रमित भएका छन् भने मृत्यु हुनेको संख्या १८ हजार २ सय २३ जनाको मृत्यु भएको छ भने साढे एक लाखभन्दा बढी निको भएर घर फर्किसकेका छन् । 

चीनको वुहानबाट सुरु भएको कोभिड १९ का कारण अहिलेसम्म सबैभन्दा बढी इटली प्रभावित बनेको छ । इटलीमा मात्रै भाइरसकाकारण अहिलेसम्म ६ हजार ८ सय २० जनाको मृत्यु भएको छ भने ६९ हजारभन्दा बढी संक्रमित भएका छन् ।

विश्व स्वास्थ्य संगठनले महामारीलाई लिएर सबै मुलुकलाई चेतावनि दिँदै सबैलाई भाइरसप्रति आक्रामक रुपमा प्रस्तुत हनु भनेको छ । संगठनले अहिलेसम्म भाइरस विरुद्धको कुनै औषधि वा खोप पत्ता नलागेको अवस्थामा सबै मुलुकले सक्दो सावधानी अपनाउँदै काम गर्न भनेको छ । 

पछिल्लो समय युरोपलाई भाइरसले आफ्नो केन्द्रविन्दु बनाएको छ । इटलीपछि स्पेन, फ्रान्स, जर्मनी, संयुक्त राज्य अमेरिका लगायतका मुलुकलाई भाइरसले आफ्नो चपेटमा लिएको छ ।

मार्च २४ तारिखसम्म विश्वका कुन देशमा कस्तो छ संक्रमित र मृत्यु हुनेको अवस्थाः

Hamro Doctor