कोरोना संक्रमित युवतीसँगै फ्रान्सबाट फर्किएका ३ जना चितवन कोरोना अस्पतालमा
काठमाडौं, १२ चैत । कोरोना भाइरसबाट संक्रमित १९ वर्षीय युवतिसँगै फ्रान्सबाट दोहा हुँदै नेपाल आएका तीनजना यात्रुलाई पहिचना गरि चितवनको कोरोना विशेष अस्पतालमा राखिएको छ ।
सो दिन ती युवतीसँगै आएका ६ जनाको घर चितवन भएको पाइएको छ । उनीहरुमध्ये तीनजनालाई आइसोलेसनमा राखेर उनीहरुको नमूना परीक्षणका लागि राजधानी पठाउने तयारी गरिएको छ ।
प्रहरी प्रधान कार्यालयको केन्द्रीय हेल्थ डेस्कको निर्देशन अनुसार उनीहरुलाई खोजी गरी क्वारेन्टाइनमा राखेर परीक्षण गर्न चितवन प्रशासनलाई चिठी पठाएपछि प्रशासनको रहोवरमा तीनजनालाई विशेष अस्पतालमा राखिएको हो । बाँकी तीनजनाको खोजी भइरहेको चितवन जिल्ला प्रशासन कार्यालयले जनाएको छ ।
Last modified on 2020-04-11 13:37:11
स्वास्थ्यकर्मीसमेत रहेका पाठक हाम्रो डक्टर न्यूजका चितवन ब्यूरो प्रमुख हुन् ।