प्रदेश ५ को ८ जिल्लामा कोरोना संक्रमण फैलियो
रुपन्देही, १२ जेठ । प्रदेश नम्बर ५ को पहाडी जिल्ला अर्घाखाँचीमा पनि कोरोना भाइरसको संक्रमण फैलिएको छ ।
जिल्लाको पाणिनी गाउँपालिका –८, पालिको कमला माविको क्वारेन्टाइनमा बसेका २ जनामा कोरोना संक्रमण पुष्टि भएको अर्घाखाँची अस्पतालका डाः कपिल गौतमले बताए ।
संक्रमितहरु केहिदिन अघि भारतबाट आएका थिए । यस अघि प्रदेश ५ को पहाडी जिल्ला गुल्मीमा पहिलो पटक संक्रमित भेटिएका थिए ।
प्रदेश ५ को ८ जिल्ला बाँके, बर्दिया, दांग, रुपन्देही, कपिलवस्तु, गुल्मी, नवलपरासी पश्चिम जिल्लामा कोरोना संक्रमण फैलिएको छ ।
अर्घाखाँचीमा २ जना संक्रमित थपिएसँगै नेपालमा कोरोना संक्रमितको संख्या ६ सय ४ पुगेको छ ।
Last modified on 2020-05-25 21:01:25
