काठमाडौं उपत्यकामा १७४६ जना नयाँ कोरोना संक्रमित थपिए
काठमाडौं, १ कात्तिक । पछिल्लो २४ घण्टामा काठमाडौं उपत्यकामा १ हजार ७ सय ४६ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार शनिबार काठमाडौंमा १ हजार ४ सय ५१, ललितपुरमा १ सय ५२ र भक्तपुरमा १ सय ४३ जनालाई कोरोना संक्रमण देखिएको छ।
आज देशभर ३ हजार १ सय ६७ जनालाई कोरोना संक्रमण पुष्टि भएको छ। योसँगै संक्रमितको कुल संख्या १ लाख २६ हजार १ सय ३७ पुगेको छ।
२४ घण्टायता १ हजार ८ सय जना संक्रमित डिस्चार्ज भएका छन्। देशभर डिस्चार्ज हुनेको संख्या जम्मा ८९ हजार ८ सय ३७ पुगेको छ।
आज देशभर ३७ हजार ७३७ जना सक्रिय संक्रमित रहेको मन्त्रालयले जनाएको छ।
