लोकसेवा आयोगद्वारा स्वास्थ्य बीमा बोर्डको कार्यकारी निर्देशक छनौटका लागि तीन जनाको नाम सिफारिस
काठमाडौं, २ कात्तिक । लोकसेवा आयोगले स्वास्थ्य बीमा बोर्डको कार्यकारी निर्देशक छनौटका लागि तीन जनाको नाम सिफारिस गरेको छ ।
आयोगले स्वास्थ्य तथा जनसंख्या मन्त्रालयलाई भदौको अन्तिम साता लिएको लिखित मौखिक तथा अन्तरवार्ताबाट छानिएका उत्कृष्ट तीन जनाको नाम सिफारिस गरेको हो ।
आयोगले सिफारिस गरेकामध्ये डा. दामोदर बसौला, डा. कृष्णप्रसाद अधिकारी र सुदर्शन पौडेल रहेका छन् ।
मन्त्रीपरिषदको बैठकले सिफासिस गरिएका तीन जनामध्येबाट एक जनालाई बोर्डको कार्यकारी निर्देशक पदमा छनौट गर्ने प्रावधान रहेको छ ।
यसअघि रिक्त रहेको कार्यकारी निर्देशक पदमा खुल्ला प्रतिस्पर्धाबाट छनौट गर्न लोकसेवा आयोगको अध्यक्षको सिफारिसमा तीन जनाको छनौट समिति बनाइएको थियो ।
बोर्डको कार्यकारी निर्देशक डा.रमेश पोखरेलले पदबाट राजीनामा दिएपछि हाल डा राधिका थपलियालाई जिम्मेवारी दिइएको छ ।