यसै हप्तामात्र सार्वजानिक भएको सम्पूर्ण स्वास्थ्य जानकारी समेटिएका एण्ड्रोइड मोबाइल एप हाम्रो डाक्टरका प्रयोगकर्ताले फेसबूक र गूगल प्लस दुवै माध्यमबाट लग इन गर्न सक्ने भएका छन् ।
प्रयोगकर्ता मैत्री एप बनाउने उद्देश्य स्वरुप निम्न सुविधा राखिएको हो । स्वास्थ्य सम्बन्धी समाचार, भिडियोका साथै देशभरका अस्पताल, चिकित्सक, क्लिनिक, एम्बुलेन्स, रक्तदाता लगायतको विवरण समेटिएको एपमा प्रयोगकर्ताले आफ्नै लग इनबाट सेवा लिन सक्ने भएका छन् । लग इन भएसँगै प्रयोगकर्ताले समय सेट गरेर औषधि सेवनको नोटिफिकेशन पाउनेछन् । त्यस्तै स्वास्थ्य सम्बन्धी जिज्ञासा सोध्न र त्यसको समाधान पाउनका लागि पनि एपमा लग इनको व्यवस्था गरिएको बताइएको छ । एप मार्फत प्रयोगकर्ताले अस्पताल, त्यहाँ कार्यरत चिकित्सक, उनीहरुको कार्यतालिकाका साथै सेवा उपलब्ध अस्पतालमा अपोइन्टमेण्ट समेत बूक गर्न सक्नेछन् ।
प्रयोगकर्ता आफैले रक्तदाता फारम भर्न सक्ने
नियमित रक्तदाताहरुले आफै एपमा गइ आफ्नो रक्तसमूह र अन्य विवरण सहित आफुलाई रजिस्टर गर्न सक्ने छन् । स्वयंसेवी रक्तदाता र रगत खोज्न भौतारिने मानिसको सहयोगका लागि यस्तो व्यवस्था गरिएको हो । रगत खोज्नेहरुले एपमा गइ रगतको ग्रुप छनोट गरी त्यहाँ भएका रक्तदातालाई एसएमएस गर्न सक्नेछन् ।

एप डाउनलोड गर्न तलको लिंकमा क्लिक गर्नुहोस्

bit.ly/HamroDoctorAndroid

Hamro Doctor