दाङ, १२ वैशाख। दाङमा कोरोना संक्रमितको सख्या बढेसँगै अस्पतालमा बेड अभाव हुन थालेको छ ।

दाङको बेलझुन्डीमा रहेको एक मात्र कोरोना अस्पताल कोरोना विशेष अस्पताल बेलझुन्डीमा जम्मा ३८ बेड मात्र रहेको छ । तर रहेक दिन दाङमा कोरोना संक्रमतिको संख्या थपिदै गएको छ । जसका कारण पनि कोरोना संक्रमितहरु होम आइसोलेसनमा नै बस्नु पर्ने वाध्यता आएको छ ।

प्रदेशस्तरीय कोरोना अस्पतालको रुपमा संचालनमा आएको भएपनि कोरोना विशेष अस्पताल बेलझन्डीमा अहिले दाङका बिरामीसमेत नअटाउने अवस्था सृजना भएको छ ।

३८ बेड रहेको दाङको बेलझुन्डीस्थित कोरोना विशेष अस्पतालमा अहिले ४२ संक्रमितको उपचार भइरहेको छ । जसमध्ये पाँच जनालाई आईसीयूमा र ३७ जनालाई अक्सिजन दिएर एचडी बेडमा राखिएको कोरोना विशेष अस्पतालका व्यवस्थापक दोर्ण वोलीले बताए ।

दाङमा कोरोना संक्रमित थपिएपनि उनिहरुका लागि बेड अभाव भएको छ । ‘दाङमा मात्र होइन लुम्बिनी प्रदेशमा नै बेडको अभाव छ” वलिले भने ‘नयाँ संक्रमित कसरी व्यवस्थापन गर्ने समस्या भएको छ ।”

बेलझुन्डीलाई प्रदेशस्तरको कोरोना अस्पतालको रुपमा स्थापना गरी दाङलगायत छिमेकी जिल्लाका बिरामी राख्ने योजना भए पनि अहिले दाङकै बिरामीका लागि बेड अभाव भएको छ । बेलझुन्डीमा अहिले एक जना रोल्पाका संक्रिमत छन् भने बाकी सबै दाङका रहेका छन् ।

अक्सिजनको अभाव

जोखिम बढेसँगै कोरोना बिशेष अस्पतालहरुलाई थप सशक्त बनाउन सरकारले निर्देशन पनि दिएको छ । तर, जिल्ला स्थित कोरोना विशेष अस्पताल बेलझुन्डीमा भने अक्सिजन अभाव हुने अवस्था आएको छ ।

कोरोनाका संक्रिमित दिनदिनै बढिरहेका छन्, तर अस्पतालमा अक्सिजनको कमि भएको छ ।

लुम्बिनी प्रदेश कोरोना संकट व्यवस्थापन केन्द्रको मंगलबार बसेको बैठकले कोरोना विशेष अस्पताल बेलझुन्डीकोे क्षमता विस्तार गर्ने र राप्ती स्वास्थ्य विज्ञान प्रतिष्ठान घोराहीमा कोभिड बिरामीको उपचार सेवा विस्तार गर्ने निर्णय गरेको थियो । तर अहिलेसम्म संघिय, प्रदेश तथा स्थानियतह कुनै बाट पनि व्यवस्थापनको थप काम नभएको व्यवस्थापक वलीले बताए ।

उनले भने‘अस्पताल कम्पाउण्ड भित्र छिरेका बिरामीलाई कसरी सत प्रतिशत बचाउन सकिन्न भन्ने मात्र उपाएमा लागेका छौ ।” ५ दिनदेखि प्रदेशमा समस्या जानकारी गराएपनि कुनै किसिमको सहयोग प्राप्त भएको छैन ।

वलीका अनुसार यदि संक्रमित थपिदै जाने हो भने कोरोना विशेष अस्पतालमा अक्सिजन पूर्ती गर्न गाह्रो हुनेछ । यस तर्फ समयमै ध्यान नदिने हो भने दाङमा कोरोनाबाट ज्यान गुमाउने संख्या बृद्धि हुने निश्चित छ । आइतबार मात्र पनि कोरोना विशेष अस्पतालमा घोराही १५ का एक जना पुरुषको मृत्यु भएको छ ।

Hamro Doctor