ओमिक्रोनको जोखिम कायमै रहेकाले जनस्वास्थ्यका मापदण्ड पालना गर्न छोड्नु हुँदैनः डा.फिलिप
भिडियोसहित
सार्स सीओभी टु अर्थात् सन् २०१९ मा फेला परेको कोरोना भाइरसको स्वरुप हो । यो दुई वर्षको अवधिमा कोरोना भाइरसका विभिन्न प्रजाति र स्वरुप फेला परिसकेका छन् । सुरुमा गम्भीर त्यसपछिको स्वरुप थप गम्भीर र जटिल गराउने थियो । तर, पछिल्लो समय फेला परेको ओमिक्रोन र ओमिक्रोन टुले मानिसको मृत्यु कम गराएपछि मानिसमा अलि डर कम देखिएको छ । कारण, यसले घाँटीमा सङ्क्रमण गराउने हुँदा मानिसको ज्यानलाई जोखिम कम देखियो ।
कोरोना भाइरसको उत्परिवर्तित स्वरुप ओमिक्रोन भेरियन्टको लक्षण र मौसमी फ्लूहरूको लक्षण धेरैजसो मिल्दोजुल्दो छ । त्यसकारण मानिसहरू झुक्किने गर्छन् वा भनौ सामान्य हो भनेर पिसिआर परीक्षण गराउन जाँदैनन् ।
कोरोनाको तेस्रो चरणको लहर सुरु हुने प्रमुख कारण नै ओमिक्रोन बन्यो । ओमिक्रोनले सङ्क्रमित गराउँदा घाँटी खसखस हुने, खोकी लाग्ने, रुघा लाग्ने, नाकबाट सिगान बग्ने, आँखा पोल्ने, टाउको दुख्ने, छाती भारी भएको जस्तो हुने र जीउ पूरै भारी हुने, दुख्ने आदि हुने गर्दछ । यस्ता लक्षणहरू मौसमी फ्लूहरूको देखिँदा पनि हुने गर्दछ । तर, ओमिक्रोन सङ्क्रमण हुँदा ज्वरो आउँदैन भने मौसमी फ्लूहरूमा ज्वरो आउने हुन्छ । मौसमी फ्लूहरूको २ देखि ३ दिनभित्रमा ठिक हुँदै जान्छ र ओमिक्रोन ४ देखि ५ दिनभित्रमा ठिक हुने गर्दछ ।
ओमिक्रोन सङ्क्रमण कोरोनाविरुद्वको खोप लगाएकाहरूलाई पनि देखिन्छ । त्यसैले सबैले स्वास्थ्य मापदण्डका नियमहरू अपनाउन आवश्यक छ । नेपालमा १२ वर्षमुनिका बालबालिकाहरुले कोरोनाविरुद्वको खोप नलगाएको अवस्था छ । त्यसैले ती बालबालिकाहरूलाई ओमिक्रोनबाट बचाँउन हामी सबैले ध्यान दिनुपर्ने हुन्छ ।
दीर्घरोगका बिरामीहरूलाई ओमिक्रोन सङ्क्रमणले अलि गाह्रो बनाउने गर्दछ । त्यसैले त्यस्ता व्यक्तिहरुलाई धेरै ख्याल गर्नुपर्ने हुन्छ ।
कोरोना भाइरसले फोक्सोलाई असर गरेपनि ओमिक्रोन भेरियन्टले भने फोक्सोमा असर नगरेको देखिन्छ । यसले धेरै मात्रामा घाँटि खसखस गराउने र जीउ दुखाउने मात्र गरेको देखिन्छ ।
ओमिक्रोन सङ्क्रमणबाट बच्नका लागि हामीले स्वास्थ्य मापदण्ड पालना गर्ने, घरमा दिर्घरोगीहरू छन् भने उनीहरूबाट टाढै बस्ने, जङुक फूड भन्दापनि पौष्टक खानाहरू, भिटामीन सी पाइने खानेकुराहरू खाने गर्नुपर्दछ ।
भिडियोमा हेरौंः
