देशभर थपिए १९ जना नयाँ सङ्क्रमित, १० जना स्वस्थ
काठमाडौं, ७ असार । देशभर थप १९ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार गत २४ घन्टामा देशभर २ हजार ८ सय १४ कोरोना परीक्षण गरिएको छ । जसमा १७ सय ३१ आरटी पिसिआर विधिबाट गरिएको परीक्षणमा १४ जना र १ हजार ८३ एन्टीजेन विधिबाट गरिएको परीक्षणमा ५ जनामा कोरोना सङ्क्रमण पुष्टि भएको छ ।
मन्त्रालयका अनुसार गत २४ घन्टामा देशभर रहेका सक्रिय सङ्क्रमित मध्य थप १० जना स्वस्थ भएका छन् ।
हाल देशभर सक्रिय सङ्क्रमितको सङ्ख्या १ सय २४ रहेको छ ।
Last modified on 2022-06-22 10:14:05
