लगातारको खोकी दीर्घ रोगको संकेत (भिडियोसहित)
खोकी लाग्नुलाई नेपाली समाजमा सामान्य रुपमा लिइन्छ । धुँवा धुलो र चिसोका कारण प्रायः नेपालीलाई खोकीले छोड्दैन पनि । तर, खोकीलाई हल्का रुपमा लिनु नहुने बताउँछन् छाती रोग विशेषज्ञ डा. प्रदिपबहादुर बज्राचार्य । डा. बज्राचार्यका अनुसार लगातारको खोकी कुनै गम्भीर रोगको संकेत पनि हुन सक्छ ।
शरीरभित्र अनावश्यक वस्तु प्रवेश गर्दा, त्यसलाई फोक्सोले खोकीमार्फत बाहिर निकाल्ने प्रयत्न गर्छ । खोकी धेरै प्रकारका हुन्छन् । खोकीको अवस्था वा प्रकृति हेरेर मात्र भाइरल संक्रमण हो या, अन्य कुनै रोगको लक्षण भन्न सकिन्छ ।
खोकी लाग्ने मुख्य कारण
- नाक, कान, घाँटीमा समस्या हुनु ।
- फोक्सोमा विभिन्न संक्रमण ।
- प्रदुषित वातवरण ।
- अस्वस्थ खानपान ।
- फोक्सोको संक्रमण ।
लक्षण
खोकी आफैमा कुनै रोगको लक्षण हो । दम, निमोनिया, पिनास, ग्याँष्ट्रिकलगायतको लक्षणका रुपमा खोकी हुनसक्छ । खोकी लाग्नु अघि कसैकसैमा घाँटी चिलाउँने, दुख्ने हुन सक्छ ।
खोकीलाई सामान्य रुपमा लिनु हुँदैन् । अनुमानका भरमा वा विशेषज्ञको परामर्शविना औषधि सेवन गर्दा झन् गम्भीर परिणाम आउन सक्छ ।
खोकीबाट बच्न सबै भन्दा पहिला वातावरण नै स्वच्छ हुनुपर्छ । यो एक व्यक्तिले सम्भव छैन् । राज्यका विभिन्न निकायले वातवरण स्वच्छ बनाउन पहल गर्नुपर्छ । सकेसम्म प्रदुषित वातवरण (धुँवा, धुलो)मा नबस्ने, पोषिलो खानेकुरा खाने । नियमीत व्यायम गर्दा खोकी लगायतका अन्य रोगबाट पनि बच्न सकिन्छ ।
भिडियो हेर्नुस् ।
बासुदेव न्यौपाने हाम्रो डक्टरमा संवाददाता एवं डेस्क सम्पादकका रुपमा कार्यरत छन् ।
View Other Stories by Author >>