नर्सिङ संघसँग भएको ११ बुँदे माग चाँडै पूरा हुन्छ : स्वास्थ्यमन्त्री बोहरा
काठमाडौं, १५ माघ । स्वास्थ्यमन्त्री दीपक बोहराले सरकार र नर्सिङ संघबीच भएको ११ बुँदा मागहरु चाँडै पूरा हुने बताएका छन् ।
नेपाल नर्सिङ संघको आयोजनामा आज आयोजित र्यालीमा स्वास्थ्यमन्त्री बोहराले नर्सिङ संघ भएको सम्झौता चाँडै कार्यावन्यन हुने बताए ।
मन्त्री बोहराले भने अस्पतालमा बिरामीलाई हेरचाह गर्ने पहिलो व्यक्तिका रुपमा नर्सहरु रहेको भन्दै उनीहरु स्वास्थ्य क्षेत्रका जिम्मेवारी व्यक्तिमा पर्ने बताए ।
उनले भने सरकारको आयु कम छ तर नर्सिङ संघसँग भएको सम्झौता पूरा गर्ने तर्फ सरकार कटिबद्ध रहेको छ ।
मेरो कार्यकालमा तपाइँहरुको समस्या सुन्न सँधै तयार छु । नर्सिङ क्षेत्रको जायज माग पूरा गर्न सरकार सँधै सकारात्मक रहेको बताउँदै उनले भावी सरकारले पनि यस क्षेत्रको सुधारको लागि कदम चाल्नुपर्ने बताए ।
नेपाल नर्सिङ संघको आयोजनामा आज माइतीघर मण्डलामा स्वास्थ्य क्षेत्रका अस्पताल र कलेजहरुको सहभागीतामा प्रभातफेरि कार्यक्रम भएको छ ।
