काठमाडौं, ४ फागुन । बिरामीको शल्यक्रियाको समयमा बेहोश पार्ने चिकित्सक ‘ ‘‘एनेस्थेटिस्ट ’ को सरकारलाई चरम अभाव देखिएको छ ।

स्वास्थ्य सेवाको विस्तार क्रमिक मात्रामा बृद्धि हुदै जाने तर, ‘एनेस्थेटिस्ट' को संख्या आवश्यक अनुसार नहुँदा अप्रेशन लगायतका महत्वपुर्ण सेवा ठप्प भएका छन् । 

उपत्यका लगायत केही अञ्चल अस्पतालमा एक — एक जना ‘एनेस्थेटिस्ट' रहेपनि दरबन्दी अनुसार नहुँदा सेवा प्रवाहमा समस्या भएको स्वास्थ्य मन्त्रालय चिकित्सा महाशाखा प्रमुख डा. भोलाराम श्रेष्ठले बताए । वीर अस्पताल, राष्ट्रिय ट्रमा सेन्टर र प्रसुति गृहमा भने दरबन्दी अनुसार ‘एनेस्थेटिस्ट'   को संख्या रहेको छ, श्रेष्ठले भने, बाँकी कुनै अस्पतालमा पनि ‘एनेस्थेटिस्ट'   को संख्या आवश्यकता अनुसार छैन । 

सरकार समक्ष देशभरी हाल जम्मा १८ जना मात्रै ‘एनेस्थेटिस्ट'  चिकित्सक रहेका छन् । दरबन्दी अनुसार २७ जना अझै रिक्त छ । श्रेष्ठले कम्तिमा पनि २७ जना ‘एनेस्थेटिस्ट'  भए ५० वेड सम्मका प्रत्येक सरकारी अस्पतालमा एक जनासम्म पठाउन सकिने बताए । ‘एनेस्थेटिस्ट' नहुदाँ कतिपय स्थानमा सहायक  ‘एनेस्थेटिस्ट' ’ बाट सामान्य चिरफारका कामहरु हुदै आएका छन् । तर, भित्री चिरफारमा भने ‘एनेस्थेटिस्ट'  नै आवश्यक पर्दछ । 

नेपालमा   ‘एनेस्थेटिस्ट'  को अवस्था :

प्रसुति  गृह       –             २        

५० वेड मुनिका अस्पतालमा

पढ्नै मान्दैनन् एनेस्थेसीयोलोजी 
मन्त्रालयका अनुसार एनेस्थेसीयोलोजीको अध्ययनमा विद्यार्थीहरुको ध्यान नजाने गरेको पाइएको छ भने सरकारले दिएको एनेस्थेसीयोलोजी छात्राबृद्धि कोटा पनि थोरै छ ।

डाक्टरी पेसा जस्तो ‘एनेस्थेटिस्ट’ नभएको विद्यार्थीहरु बताउने गर्छन । मन्त्रालयका अनुसार विद्यार्थीहरुले सबैले मान्ने र बाहिर पनि काम गर्न स्वतस्फुर्त पाउने भएकाले ‘‘एनेस्थेटिस्ट’ भन्दा डाक्टर उपयुक्त ठान्छन । पछिल्ला बर्षमा विद्यार्थीको रोजाईमा रेडियोलोजि, मेडिसिन, अर्थोपेडिक्स पर्ने गरेको छ । सरकारले यस आर्थिक बर्षका लागि एनेस्थेसीयोलोजी अध्ययन छात्राबृद्धिमा १० कोटा छुट्याएको छ । 

Hamro Doctor