दिनभरी बस्दा पनि अपाङगता भएकाहरुले पाउँदैनन् उपचार सेवा
उदयपुर, १२ फागुन । कार्यालय समयमा अस्पताल पुगेपनि जिल्ला अस्पताल उदयपुरले आफुहरुलाई उपचार सेवामा चासो नदिएको अपांगहरुले गुनाँसो गरेका छन् ।
परिचय–पत्रका लागि अनिवार्य अस्पतालको रिपोर्ट भएपछि अस्पताल पुगेका अपांग सेवाग्राहिहरुलाई उपचार सेवामा चासो नदिएको उनिहरुको भनाई छ ।
उनिहरुका अनुसार आफन्तहरुको सहयोगमा बिहानै टिकट काटेर समयमै अस्पताल पुगेपछि केहि सेवाग्राहिहरुलाई सेवा दिएर खाजा खानेसमय भन्दै डाक्टरहरु बाहिरिएका थिए ।
करिब दुई बजेदेखि पाँच बजेसम्म अलपत्र अवस्थामा अपांग सेवाग्राहिहरुलाई अस्पताल राख्नु परेको वडाअध्यक्ष धनकुमार दनुवारले बताए । उनका अनुसार घण्टौंसम्म कुरेरपनि सबै बिरामीहरुको रिपोर्ट बन्न सकेन ।
अहिले महिला तथा बाबबालिका कार्यालय उदयपुरको सहयोगमा सेवाग्राहिहरुलाई गाईघाटमा राखिएको छ । वडाभित्रका महिला पुरुष गरि २६ जना अपांग सेवाग्राहिहरु अस्पताल आएका थिए ।