स्वयंसेविकाले पाए मोबाइल र साइकल
कपिलवस्तु फागुन १५ । कपिलवस्तुका वाणगंगा र बुद्धभूमि नगरपालिकाले स्वास्थ्य स्वयंसेविकालाई हिजो साइकल र मोबाईल फोन वितरण गरेको छ ।
नगरपालिकाले स्वास्थ्य स्वयंसेविकालाई सेवालाई प्रभावकारी र सहज बनाउन साइकल र मोबाइल वितरण गरेको जनाएको छ ।
बाणगंगा नगरपालिका वडा ११ का महिला स्वास्थ्य स्वयमसेबिकालाई १ लाख २६ हजार बराबरको साईकल बितरण गरिएको हो ।
वडा अन्तरगत रहेका १८ जना महिला स्वयंमसेविका र २ जना महिला वडा सदस्यलाई साईकल बितरण गरिएको थियो ।
त्यस्तै बुद्धभूमि नगरपालिकाले संचार सुविधाका लागि करिव ३ लाख मुल्य बराबरका मोबाइल र सीम वितरण गरेको छ ।
नगरपालिकाको सब वडाका १ सय ४१ स्वयंसेविकाका लागि २ लाख ८४ हजार मूल्यको मोबाइल नगरपालिकाका मेयर केशव कुमार श्रेष्ठ र उपमेयर मिरा थारुले वितरण गरेका थिए ।