काठमाडौं, १२ चैत्र ।दुर्गममा कार्यरत स्वास्थ्यकर्मीलाई स्वास्थ्य सेवामा थप मजबुत बनाउने उदेश्यले सात नम्बर प्रदेशमा दुई दिने ट्रमा तालिमको आयोजना गरिएको छ ।

दुर्गममा चिकित्सकहरुको अभाव हुने र जनताले अत्यावश्यक सेवा नपाउने अवस्थाको अन्त्य गर्न सेती अञ्चल अस्पताल धनगढीमा प्रदेशभरी कार्यरत हेल्थ असिस्टेन्ड हरुलाई तालिम दिइएको हो ।  एलाईन्स फाउण्डेशनको सहकार्यमा आयोजना भएको दुई दिने तालिममा ४० जना हेल्थ असिस्टेन्डलाई प्राथमिक वस्थामा दिईने ट्रमा सम्बन्धी उपचारको बारेमा तालिम दिइएको वरिष्ठ हाडजोर्नी विशेषज्ञ डा. रमेश प्रसाद सिंहले बताए  ।

दुर्गममा विशेषज्ञ चिकित्सक पुग्दैनन सिंहले भने, ‘चोट लाग्नासाथ पहिलो प्राथमिकता भनेको हेल्थ असिस्टेन्ड नै हो । ट्रमाबारे उनिहरुलाई आवश्यक तालिम दिएको खण्डमा धेरै समस्या गाउँमै समाधान हुन्छ ।’ सामान्य घाउँ चोट पटक लागेको अवस्थामा समेत बिरामीहरु ठुला अस्पताल जानु पर्ने बाध्यतालाई चिर्न हामीले आइतबार र सोमबार प्रदेशभरी कार्यरत एचएलाई तालिम दिएका हौं सिंहले भने । डा. सिंहका अनुसार ट्रमा सम्बन्धी समस्या भए कस्तो प्राथमिक उपचार दिने भन्ने पूर्ण ज्ञान अब ७ नम्बर प्रदेशका एचएहरुमा भएको छ । 

Hamro Doctor