चिकित्सक लाईसेन्स परीक्षामा ७६ प्रतिशत पास
काठमाडौ, १८ चैत । नेपाल मेडिकल काउन्सिलले लिएको चिकित्सक लाइसेन्स परीक्षामा ७६ प्रतिशत चिकित्सक पास भएका छन् । १६ सय ५० जनाले परीक्षा फारम भरेपनि एमबीबीएस तर्फबाट १६ सय ३८ जना परीक्षामा सामेल भएका थिए । यस्तै बीडीएसतर्पm ३ सय ५ जना सहभागी भएका थिए । काउन्सिलले शनिवार परीक्षा लिएको थियो ।
एमबीबीएसमा १२ सय १४ र बिडिएसमा २ सय ६५ जना चिकित्सक पास भएको काउन्सिलका रजिस्ट्रार डा. दिलिप शर्माले जानकारि दिएका छन् । उनका अनुसार एमबीबीएसतर्फ ४ सय २४ र बिडिएसतर्फ ४२ जना फेल भएका छन् ।
परीक्षामा काउन्सिलकै कलम प्रयोग
काउन्सिलले परीक्षामा हुनसक्ने सम्भावित अनियमितता रोक्न मोबाइल जामर प्रविधि प्रयोग गरेको थियो । परीक्षा मर्यादित बनाउन भन्दै काउन्सिलले पहिलोपटक परीक्षा केन्द्रमा मोबाइल नचल्ने प्रविधि (जामर) अपनाएको शर्माले बताए । सो परीक्षा केन्द्रमा परीक्षार्थीलाई कलम र घडी लैजानसमेत निषेध गरिएको थियो ।
