फाजिलमा परेका स्वास्थ्यका कर्मचारीलाई आवश्यकता अनुसार खटाइने
काठमाडौं, २४ जेठ । स्वास्थ्य समुहका फाजिलमा परेका कर्मचारीलाई सरकारले आवश्यकता अनुसार खटाउने भएको छ । कर्मचारी समायोजन गर्दा स्वास्थ्य सेवाका ६ सय ५७ जना कर्मचारी फाजिलमा परेका थिए । स्वास्थ्य सेवा करिब २७ हजार तीन सय कर्मचारीको समायोजन भएको छ ।
सरकारले कर्मचारी समायोजनको सुचि निकालिसकेपछि स्वास्थ्य सेवाका कर्मचारीको समायोजनमा त्रुटि देखिएको थियो । सरकारले समायोजनका विषयमा कर्मचारीलाई गुनासो दर्ता गराउन समय पनि दिएको थियो । तर समायोजनको टुंगो भने लागि नसक्दा कर्मचारीहरुमा अन्योलता छाएको छ । कर्मचारीको गुनासोमा एक-एक गरि अध्ययन भइरहेको संघिय मामिला तथा सामान्य प्रशासन मन्त्रालयका प्रवक्ता भूपाल बरालले बताए । उनले हाम्रो डाक्टर संग कुरा गर्दै भने 'कर्मचारीका गुनासा माथि अध्ययन भइरहेको छ अवको तीन-चार दिनमा सबै काम सकिन्छ ।' उनले समिति गठन गरेर काम गरिरहेको पनि बताए । साथै समायोजको सबै काम तीन-चार दिनमा नै सकिने उनले दावी गरेका छन् ।
उनका अनुसार स्वास्थय सेवामा फाजिलमा परेका कर्मचारीलाई आवश्यक परेको ठाँउमा सरकारले खटाउने छ । कर्मचारी समायोजन गर्दा दरबन्दी भन्दा बढि भएका कर्मचारीलाई फाजिलमा राखिएको र अब उनीहरुलाई सरकारले आवश्यक परेको ठाँउमा पदस्थापन गर्ने तयारी रहेको पनि उनले जनाए ।
Namaste, Hamilai fajil ma rakher mahina mahinau dodhar ma paper, Dherai Samasiya ma pariraheko xa, Ab ajhai Samasiya ma ma na paunu Ab udhar garnu hai