भदौ अन्तिमसम्म स्वास्थ्य समूहको लोकसेवा खुलाउने तयारीमा सरकार
काठमाडौं, २ भदौ । सरकारले भदौ अन्तिमसम्म स्वास्थ्य तर्फको लोकसेवा आयोग खुलाउने तयारी शुरु गरेको छ ।
स्वास्थ्य तथा जनसंख्या मन्त्रालयले स्वास्थ्य समूहका कर्मचारीको समायोजन सकिन अब २ हप्ता मात्रै बाँकी रहेकाले कति कर्मचारी आवश्यक हुन्छ भन्ने यकिन तथ्यांक पत्ता लागेपछि भदौ अन्तिम सम्ममा स्वास्थ्य समूहका लागि लोकसेवा खुलाउने जनाएको छ ।
मन्त्रालयका अनुसार स्वास्थ्य समूह अन्र्तगत अब अहेब, हेल्थ असिस्टेन्ट सहितका कर्मचारीको समायोजन सूची पनि चाँडै सार्वजनिक गरिनेछ ।
समायोजनको क्रममा परेको ७ हजार कर्मचारीको गुनासो सम्बोधन गर्न ढिलाई भएकाले स्वास्थ्य समूहको लोकसेवा पनि खुलाउन ढिलाई भएको मन्त्रालयले जनाएको छ । साथै नयाँ थपिएको २ हजार ५ सय वडाका लागि पनि २ हजार ५ सय जना कर्मचारीको लागि लोकसेवा
खुलाइने छ ।
साथै २५ वर्षदेखि खुलाउन नसकिएको नर्सको विभिन्न पदका लागि पनि यो वर्ष लोकसेवा खुलाउने तयारी सरकारले गरेको छ ।
लोकसेवा आयोग खुलाउँदा अब स्थान किटान गरेरै लोक सेवा खुलाइने छ ।
समायोजन सूची सार्वजनिककै लागि भनेर मन्त्रालयका कर्मचारीहरु गोप्य बैठकमा थियो ।
यो पनि
https://www.hamrodoctornews.com/detail/12784
लोक सेवा आयोग: स्वास्थ्यका यी ६ तहको विज्ञापन र परीक्षा कहिले हुन्छ (हेर्नुहोस्)