नेपालमा २ सय २६ जना नयाँ कोरोना संक्रमित थपिए
काठमाडौं, १९ जेठ । नेपालमा एकै दिन २ सय २६ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको नियमित प्रेस ब्रिफिंगको क्रममा विभिन्न प्रयोगशालामा गरिएको परीक्षणमा सोमवार थप २ सय २६ जनामा कोरोना भाइरसको संक्रमण पुष्टि भएको जानकारी दिइएको हो ।
नेपालमा हालसम्मकै धेरै संक्रमितको संख्या सोमवार फेला परेको मन्त्रालयका प्रवक्ता डा विकास देवकोटाले बताए ।
योसँगै नेपालमा कोरोना भाइरस संक्रमितको संख्या १७ सय ९८ पुगेको छ भने नेपालका ५९ जिल्लामा कोरोना संक्रमण फैलिएको डा.देवकोटाले बताए ।
Last modified on 2020-06-02 15:40:14
