वीरगञ्जमा थप एकजना कोरोना संक्रमितको मृत्यु
वीरगञ्ज, १५ असोज । रौतहटका एकजना कोरोना संक्रमितको वीरगञ्जमा मृत्यु भएको छ । रौतहटको ईशनाथ नगरपालिका–४ बस्ने ७४ वर्षीय पुरुषको बिहीबार विहान मृत्यु भएको हो ।
नेशनल मेडिकल कलेजले सञ्चालन गरेको अस्थायी कोरोना अस्पताल (बाबा होटल आइसोलेसन)मा उपचारको क्रममा बिहीबार बिहान ८ः२५ मा मृत्यु भएको मेडिकल कलेजका कोभिड फोकल पर्सन डाक्टर असरफ हुसैनले जानकारी दिए ।
विरामीको मुटुको गति पनि अस्थिर थियो, कोभिड संक्रमणका कारण अक्सिजन दिएर आईसियुमा उपचार भएको थियो । भेन्टिलेटरमा राखेर इमर्जेन्सी अवस्थामा अपनाउनुपर्ने सबै उपाय अपनाए पनि बचाउन नसकिएको डाक्टर हुसैनले बताए । उनी पहिले देखि मुटु रोगीसमेत थिए ।