गर्भावस्थामा तीजको व्रत बस्दै हुनुहुन्छ भने यि कुरामा ध्यान दिनुस् ...


Download our app to get more features
Birat Hospital

नारीहरुको महान पर्व हरतालिका तीज भोली भगवान शिवको पुजा आरधना गरी मनाइँदै छ । विवाहीत महिलाहरुले आफ्नो श्रीमानको सुस्वास्थ्य, दिर्घायू, प्रगति र सुख शान्तिका लागि यो व्रत बस्ने गर्छन् भने अविवाहित चेलीहरुले भगवान शिव जस्तै सुयोग्य वर पाउ भनेर यो व्रत बस्ने गर्छन् । 

धार्मीक र सांस्कृतीक महत्व बोकेको तीजको ब्रत बस्नाले घर परिवारमा पनि सुख शान्ति रहीरहने मान्यता पनि छ । तर, यदि तपाईँ गर्भवती हुनुहुन्छ वा भर्खरै आमा बन्नु भएको छ र तीजको व्रत बस्दै हुनुहुन्छ भने तपाईँले आफ्नो सँग सँगै आफ्नो बच्चाको पनि ख्याल गर्नुपर्छ । 

Square AD in hamrodoctor news detail page

गर्भावस्थाका बेला व्रत राख्ने निर्णय आफ्नो स्वास्थ्यलाई ध्यान दिएर गर्नुपर्छ । किनकी यस अवस्थामा आमा र बच्चा दुवैलाई असर गर्न सक्छ । चिकित्सकको सल्लाह लिएर मात्रै व्रत बस्नु राम्रो हो 

गर्भावस्थामा व्रत बस्दा यि कुरामा ध्यान दिनुस्...
१. गर्भावस्थामा व्रत बस्दा चिया वा कफि धेरै नपिउनुस् । यसले तपाईँलाई डीहाइड्रेशन हुन सक्छ , जुन बच्चाको लागि खतरनाक हुन सक्छ । त्यसैले सकेसम्म ताजा जूस पिउने र ताजा फल खाने ।

२. व्रतमा गुलियो खानेकुरा खान सकिन्छ । तर, गर्भावस्थामा धेरै गुलियो खानाले बच्चा र आमाको लागि नोक्सानदेह हुन सक्छ । त्यसैले मिठाईँ भन्दा पनि फलफूल नै खानु राम्रो हो ।

३. गर्भावस्थामा निर्जला व्रत भुलेर पनि गर्नु हुँदैन । किनकी गर्भावस्थामा तपाईँको सिधा सम्पर्क बच्चासँग हुने हुँदा खाना नखाएको समय पानीमाथि नै निर्भर हुनुपर्छ । त्यसैले व्रतको समय नारियल पानी पिउनु धेरै फाइदाजनक हुन्छ ।

४. व्रतको दिन दिन धेरै हिँड्ने, नाच्ने गर्नु हुँदैन । घाममा सकेसम्म नजानु राम्रो ।

५. पूजा गर्नका लागि लामो समय सम्म लाइनमा नबस्ने र पुजा गर्ने समयपनि भुइँमा लामो समयसम्म बस्नु हुँदैन । किनकी यसले तपाईँलाई असहज र पीडा हुन सक्छ ।

 

(एजेन्सीको सहयोगमा)

Last modified on 2018-09-12 07:12:59

Spark_health_home NIdan Hospital

Leave a Comment


फेसबुकबाट तपाईको प्रतिक्रिया

Era Health Center vayoda Related Posts BlueCross_Dec12