ओम समाज डेन्टलको निःशुल्क दन्त शिविरः ३ सयको परीक्षण
काठमाडौं, २७ चैत । चावहिलस्थित ओम समाज डेन्टल अस्पतालले निःशुल्क दन्त शिविर संचालन गरेको छ ।
आफ्नो सामाजिक उत्तरदायित्व अन्तर्गत अस्पतालले बुढानिलकण्ठमा, कपनको साम्तेन मेमोरियल एजुकेसन अकाडेमीमा नि:शुल्क दन्त शिविर सञ्चालन गरेको हो ।
उक्त विद्यालयको बार्षिक उत्सवको अवसरमा आयोजित शिविरमा अस्पतालले विद्यार्थी, अभिभावक, शिक्षक गरी करिब ३०० जनाको दाँत, मुख र गिजाको परिक्षण गरेको छ ।
केहीको स्केलिङ, फिलिङ र एक्ट्रकसन गरेको र केहीलाई थप उपचारको लागि सुझाव दिएको अस्पतालले जानकारी दियो ।
अस्पतालका डा सुवास घिमिरेले शिविरको व्यवस्थापन र नेतृत्व गरेका थिए भने अन्य चिकित्सक र स्वास्थ्यकर्मीहरुको टोलिले उपचार गरेका थिए ।
