दुई दशक पहिला चलचित्र ‘दाइजो’ बाट नेपाली रजतपटमा प्रवेश गरेकी नायिका झरना थापालाई नचिन्ने सायद कमै होलान् । सुख दुख, ए मेरो हजुर, म तिमी बिना मरी हाल्छुनी जस्ता दर्जर्नौ नेपाली चलचित्रमा अभिनय गरी नेपाली चलचित्रको पर्दामा सदावार नायिकाको रुपमा दर्शकको मनको ढुकढुकी बन्न सफल भएकी छिन् । 

सँगै नेपाली चलचित्र क्षेत्रमा प्रवेश गरेका कतियप नायिकाहरु गुमनाम भए तर, उनको जोस, उत्साह अहिलेपनि दुई दशक पहिलाको भन्दा कम छैन । उनी सधै स्वस्थ र फिट रहेकी छन् । स्वस्थ रहन समयले साथ दिएसम्म दैनिक २ घण्टा जिम कल्व गएर एक्ससाइज गर्छिन् नायिका थापा । 

‘सुटिङको समयमा यतितकै पनि एक्सससाइज हुन्छ ।’ उनी भन्छिन्, ‘घरमा हुँदा दैनिक रुपमा एक्ससाइज गर्छु ।’ 

स्वस्थ रहन सबैले सयम निकाले र दैनिक रुपमा १० देखि १५ मिनेट भएपनि एक्ससाइज गर्न उनको सुझाव छ । खानेकुरामा सधै ध्यान दिने उनको बानी छ । 
‘खानामा सधैं डाइट मिलाएर खान्छु ।’ उनले हामीलाई सुनाइन् ।

भिजाएको चना र हरियो मुगीको दाना खाएर दैनिकी शुरु गर्ने नायिका थापा घरमा हुँदा दाल, भात हरियो साग सब्जी खाने बताउँछिन् । घर बाहिर निस्कदा दिउँसमा उनी फलफूलमा बढी खाने गर्छिन् । 

स्वास्थ्यका हिसावले पनि राम्रो हुने भएकाले हरेक बुलकी थापाको भान्सामा सुख्खा रोटी पाक्छ । कहिले काँही मन लागेर चिल्लो, पिरो, मासु पनि खान्छिन् उनी । स्वास्थ्यलाई ख्याल गरी खानु खाएर मज्जाले एक्ससाइज गर्न जरुरी रहेको उनको भनाई छ । 

सबैले स्वास्थ्यलाई ध्यान दिएर दैनिक १५ मिनेटसम्म एक्ससाइज गर्ने सुझाव दिन्छिन उनी ।  चिल्लो पिरो नखाने, स्वास्थ्य कमजोर हुने हुँदा पेटभरी खाने, स्वस्थ रहन गेडागुडीमा ध्यान दिनु पर्ने सल्लाह छ नायिका थापाको । 

Hamro Doctor