नेपालमै पहिलो पटक एआई सहितको रेडियोलोजी सेवा मेडिसिटी अस्पतालमा
ललितपुर, १२ मंसिर । नेपाल मेडिसिटी अस्पतालले नेपालमै पहिलो पटक आर्टिफिसियल इन्टेलिजेन्स (एआई) सहितको रेडियोलोजी सेवा सुरु गरेको छ ।
संसारकै उत्कृष्ट मानिने इजरायली जेब्रा मेडिकल भिजनसँगको साझेदारीमा यो सेवा सुरु गरेको हो ।
यो सेवाबाट नेपालीले स्वदेशमै उच्च गुणस्तरीय परिक्षण प्राप्त गर्न सक्ने अपेक्षा गरिएको अस्पतालका कार्यकारी निर्देशक सुधाकर जयरामले बताए ।
स्वदेशमै उच्च गुणस्तरीय र समान उपचार प्रदान नभएकोले नेपालबाट प्रत्येक वर्ष ३ देखि ४ लाख नेपाली स्वास्थ्य उपचारका लागि विदेश जाने गरेकोले ठुलो धनराशी बाहिरिबाट जोगिने उनले बताए ।
आर्टिफिसियल इन्टेलिजेन्स सहितको रेडियोलोजी सेवाको नेतृत्व नेपाल मेडिसिटी अस्पतालका रेडियोलोजी तथा इमेजिन केन्द्रका प्रमुख डा. राम कुमार घिमिरे सहितको टिमले गर्नेछ ।
डिसिटीले एआई सहितको रेडियोलोजी सेवालाई पहिलो चरणमा इन्ट्राक्रेनियल हेमोरेज, अस्टियोपोरोसिस र हड्डी सम्बन्धी समस्याको रोकाथाम लागि एल्गोेरिदमहरु लागु गर्दैछ ।
निकट भविष्यमा स्कोरिंगको साथमा अपग्रेड गरेर हृदय रोग, एन्फाइसेमा र कलेजोमा असर सम्बन्धि समस्या समाधानका लागि पनि काम गर्ने अस्पतालले जनाएको छ ।
