नाकको एलर्जी किन हुन्छ ?
काठमाडौं, १३ मंसिर । वातावरणीय प्रदुषणका कारण मानव स्वास्थमा समस्या देखिने क्रम बढ्दो छ । विशेषगरी प्रदुषणका कारण श्वासप्रश्वासजन्य समस्याबाट शहरी क्षेत्रमा बस्ने मानिसहरू बढी पीडित भइरहेका छन् । वातावरणीय प्रदुषणका कारण शरीरका जुनसुकै अंगमा एलर्जी हुने क्रम बढ्दो छ । त्यसमा पनि नाकको एलर्जी बढी देखिहरेको छ ।
नाकको एलर्जी किन हुन्छ ?
वातावरणलाई शरीरले सहजै स्वीकार गर्न नसक्नु वा शरीरको प्रतिरक्षा प्रणाली संवेदनशील भएर वातावरणसँग घुलमिल हुन नसक्दा हुने समस्या एलर्जी हो । शरीरलाई आवश्यक अक्सिजन नाकमार्फत लिने हुँदा प्रदुषणयुक्त वातावरणसँग नाकको पहिलो सम्पर्क हुन्छ भने समस्या पनि सबैभन्दा पहिला नाकमा हुन्छ । प्रदुषणका कारण सबै भन्दा बढी नाकमा एलर्जी हुनसक्छ । नाकको एलर्जीलाई बेवास्ता गरे यसले दम रोग समेत निन्त्याउन सक्छ । यसकारण एलर्जीको लक्षण देखिना साथ चिकित्सकसँग परामर्श लिनुपर्छ ।
के हो नाकको एलर्जी ?
हावामा भएका प्रदुशित कणहरू हाम्रो शरीरले रुचाउँदैन । शरीरभित्र पसेका यस्ता कणलाई नाकले बाहिर फ्याल्न खोज्छ जसले गर्दा हाँछ्यू आउने, नाक थुनिने, श्वसाप्रश्वास बढ्ने, पातालो सिंगान बग्ने, घाँटी खसखस गर्ने हुन्छ । यस्तो हुनु नै नाकको एलर्जी हो ।
लक्षण :
नाक बन्द हुने ।
स्वाँ स्वाँ बढी हुने ।
पतलो सिंगान बग्ने ।
हाँछ्यू आउने ।
लामो समयसम्म एलर्जी भइरहे पिनास हुने,
टाउको दुख्ने, नाकभित्र मासु पलाउने ।
बच्चाहरूमा दुखाई हुने, सुत्न गाह्रो हुने ।
नाकको एलर्जीबाट बच्ने उपाय :
– एन्टिबायोटिको अनावश्यक प्रयोग नगर्ने (खासगरी बच्चाहरुमा)।
– गर्भवतीले धूमपान नगर्ने, अरुले पनि घरभित्र चुरोट सेवन नगर्ने।
– धुवाँ निस्कने सामाग्री दाउरा, पात गुइँठा, कोइला आदि नबाल्ने।
– घर भित्र हुने धुवाँ–धुलो नाकको एलर्जी हुने एक प्रमुख कारक भएकोले सोको प्रभाव कम गर्नको लागि सुत्ने डसना, तकिया आदिमा प्लास्टिक वा विशेष एलर्जी पु्रफ फ्याब्रिकको खोल लगाउने।
– तन्ना तथा तकियाका खोलहरुलाई हरेक हप्ता ५५ डिग्री सेल्सियस तापक्रमको पानीमा धुने। घर भित्र धुलो जम्न नदिने।
– दराजमा राखेको कपडा आदिलाई समयसमयमा घाममा सुकाउने।
– कार्पेटको प्रयोग नगर्ने।
– एसी, एयर कुलर आदिको एयर फिल्टर समयसमयमा सफा गरिरहने वा बदल्ने।
– पाल्तु जनावरहरु घरभित्र नराख्ने।
नाकको एलर्जी एक वंशाणुगत समस्या पनि भएकोले यसलाई औषधि उपचार, खानपान, रहनसहन, नियमित व्यायाम आदिले नियन्त्रणमा राख्न सकिन्छ तर पूरै निको पार्न कठिक हुन्छ।
