पीपीई, तिमीसँग साइनो खै के राखौं,
संसारै बचाएको छौं, आफ्नै भरमा ।।

महामारी छ, तिमी नभई हुँदैन मलाई,
तिम्रै उपस्थितिले हौसला बढेको छ, र त गर्छु, बिरामीको भलाई ।।

औषधिले मात्र त के होला र खासमा,
तिमी नभई यो मन मान्दैन साथमा ।।

तिम्रो मेरो गहिरो सम्बन्ध, पानीसँगै असिना आए झै,
किन ल्याउछौ शिरदेखि पाउँसम्म पसिना ।।

यो महामारिमा चौबीसै घन्टा तिमीसँगै हुने (नर्स, डा. र पारमेडिक्स, सरसफाइकर्मी) को बेथा बुझ्ला  कसले ?

तिमिले त बुझ्दैनौ अरु त सबै हेर्ने दर्शक नै त  हुन्, जलेको मन देख्ने कसले ?

त्यसैले त कहिलेकाहीँ तिमिलाई  लाग्दैन यो मन हेरिरहन,
परिवेश हेर्छु परिवार सम्झन, र  पो बाध्य छु तिमिलाई पहिरन ।।

र अन्त्यमा तिम्रो र मेरो यो बेतालको सम्बन्ध छिट्टै अन्त्य होस 
मेरो कामना ।।

संसारका हरेक घर घरमा कोभिड १९ ले छाडेको देख्न पाइयोस, शुभकामना ।।
                                  
(लेखक बास्तोला भरतपुर अस्पताल चितवनमा कार्यरत छन्)

Hamro Doctor