सिरमले बनाएको कोरोनाविरुद्धको खोप कोभोभ्याक्सलाई विश्व स्वास्थ्य सङ्गठनको मान्यता
एजेन्स, ३ पुस । विश्व स्वास्थ्य सङ्गठनले कोरोनाविरुद्धको नयाँ खोप कोभोभ्याक्सलाई मान्यता दिएको छ ।
योसँगै विश्वभर कोरोनाविरुद्धको खोपको मान्यता पाउनेको सङ्ख्या ९ पुगेको छ ।
भारतको सिरम इन्स्टिच्यूटले बनाएको खोपको नाम कोभोभ्यास टीएम राखिएको छ । कोभोभ्याक्सले मान्यता पाएपछि कम आय भएका मुलुकमा खोप पु¥याउन सहज हुने अपेक्षा गरिएको छ ।
सङ्गठनका उपमहानिर्देशक डा. मारियान्जेला सिमोले कोभोभ्याक्सको मान्यतापछि कम आय भएका मुलुक र खोपको पहुँचमा नरहेकाहरूका लागि सहज हुने बताइन् ।
उनले विश्वका ४१ मुलुकमा हालसम्म १० प्रतिशतभन्दा पनि कमले कोरोनाविरुद्धको खोप लगाएको भन्दै ती मुलुककमा कोभोभ्याक्स पठाउन सके सहज हुने पनि बताइन् ।
हालसम्म विश्वका ९८ मुलुकमा कोरोनाविरुद्धको खोप लगाउनेको दर ४० प्रतिशतभन्दा बढी रहेको छ ।
सिरमले कोभोभ्याक्सको उत्पादन र आपूर्तिका लागि अमेरिकाको बायोटेक कम्पनीसँग साझेदारी गरेको कम्पनीका कार्यकारी प्रमुख आदर पुनावालाले जानकारी दिनुभएको छ ।
सिरमले यसअघि कोभिशिल्ड नामक कोरोनाविरुद्धको खोप उत्पादन गरिसकेको छ ।
