भारतमा ६० वर्षमाथिलाई बुस्टर डोज
काठमाडौं, ११ पुस । भारतमा ६० वर्षमाथिका सबैलाई आगामी जनवरीबाट बुस्टर डोज दिइने भएको छ । भारतीय प्रधानमन्त्री नरेन्द्र मोदीले आगामी १० जनवरीदेखि स्वास्थ्यकर्मी र ६० वर्षमाथिका सबै नागरिकलाई बुस्टर डोज दिइने जानकारी दिएका हुन् ।
राष्ट्रको नाममा सम्बोधन गर्दै प्रधानमन्त्री मोदीले सरकारले स्वास्थ्य कार्यकर्ता र कोभिड महामारीविरुद्ध अग्रमोर्चामा खटिएका सबै व्यक्तिलाई बुस्टर डोज दिइने जानकारी दिए।
त्यस्तै, १५ वर्षदेखि १८ वर्षसम्मका व्यक्तिलाई पनि जनवरीको पहिलो सातादेखि खोप दिइने पनि प्रधानमन्त्री मोदीको भनाई छ ।
सम्बोधनकै क्रमममा उनले कोरोनाको संक्रमण कायम रहेको भन्दै अहिले ओमिक्रोनको नयाँ सक्रमण समेत बढेको अवस्थामा बालबालिकालाई कोभिड विरुद्धको खोप दिइँदा महामारी विरुद्धको लडाई सशक्त हुने र विद्यालयमा अध्ययन अध्यापनको वातावरण समेत सहज हुने बताए।
भारतमा अहिलेसम्म भारतमा ६१ प्रतिशतले पूर्ण खोप लगाएका छन् भने ९० प्रतिशतले पहिलो डोज लगाएका छन् ।
