चिसोबाट कसरी बच्ने ?
काठमाडौं, १० माघ । अहिले काठमाडौं उपत्यकासहित देशैभर चिसो बढेको छ । तापक्रम घटेसँगै चिसोका कारण बिरामी हुनेको संख्या पनि बढेको छ । यस्तो बेला शरीरलाई बदलिएको मौसममा घुलमिल हुन गाह्रो हुन्छ । मौसम फेरबदल हुँदा खानपान लगायतका कुरामा ध्यान पुर्याउन सके यसबाट हुने जोखिमबाट बच्न सकिन्छ ।
चिसोको असर
- शरीरलाई बहिरी वातावरणमा समायोजन हुन गाह्रो हुन्छ ।
- पहिलादेखिको रोगीलाई भने झन् धेरै असर गर्छ ।
- मुटु तथा हाडजोर्नीको समस्या छ भने बल्झिने हुन्छ ।
- युरिक एसिड, दमलगायतका रोग छ भने बल्झिने हुन्छ ।
- रुघाखोकी लाग्ने सम्भावना धेरै हुन्छ ।
- चिसोका कारण रक्तनली साँघुरिएर रक्त प्रवाहमा असर गर्छ । यसले हृदयाघातको सम्भावना बढेर जान्छ ।
चिसोबाट कसरी बच्ने ?
-घर बाहिर जाँदा न्यानो कपडा लगाउने ।
- घरमा बस्दा पनि न्यानो कपडा लगाउने।
- आगो ताप्ने ।
- यो मौसममा शरीरमा पानी कम हुने भएकाले प्रशस्त मात्रामा तातो पानी पिउने ।
- चिसो खानेकुरा सकेसम्म नखाने, तातो खाना खाने ।
- धेरै मात्रामा झोलिलो खानेकुरा खाने । धेरै नुनिलो नखाने
- पौष्टिक खानेकुरामा जोड दिने ।
- बालबालिका तथा वृद्धवृद्धालाई तेल मसाज गरिदिने ।
- मर्निङ वाक तथा इभिनिङ वाक नगर्ने ।
- समस्या परेमा स्वास्थ्य जाँच गराउने ।
- औषधी सेवन गरिरहेकाले नियमित औषधी सेवन गर्ने
- बाहिर निस्कंदा माक्स लगाउने र आएपछि हात धुने
- हाच्छिउँ गर्दा मुख छोपेर गर्ने
- भुलेर पनि मदिरा र चुरोट प्रयोग नगर्ने
- दीर्घरोगीहरुले नियमित स्वास्थ्य परिक्षण गर्ने
(टेकु अस्पतालमा कार्यरत सरुवा रोग विशेषज्ञ डा. शेरबहादुर पुनसँग विना न्यौपानेले गरेको कुराकानीमा आधारित )
.jpg&w=179&h=128&static=true)
