स्टार अस्पतालमा खुशीखुशी सहकारीका सेयरधनीलाई हेल्थप्याकेज सेवा
काठमाडौं, १४ असोज । स्टार अस्पतालले खुशीखुशी बचत तथा ऋण सहकारी संस्थाका सेयरधनीलाई हेल्थप्याकेज सेवा दिने भएको छ ।
आज स्टार अस्पताल र खुशीखुशी बचत तथा ऋण सहकारी संस्थाबीच सहकार्यका लागि सम्झौतापत्रमा हस्ताक्षर भएको हो ।
सम्झौतापत्रमा स्टारको तर्फबाट अस्पतालका कार्यकारी अध्यक्ष किशोर कुमार महर्जन र खुशीखुशी बचत तथा ऋण सहकारी संस्थाका अध्यक्ष बटु कृष्ण थापाले हस्ताक्षर गरेका छन् ।
सम्झौता अनुसार स्टार अस्पतालले खुशीखुशी बचत तथा सहकारीका कर्मचारी, शेयरधनी तथा सदस्यहरुलाई उपचार खर्चमा आकर्षक छुट प्रदान गर्ने छ ।
त्यस्तै सहकारीका सेयरधनी सदस्यहरुलाई सहुलियत दरमा हेल्थप्याकेज सेवा उपलब्ध छ । छुट सुविधा लिनका लागि सहकारी संस्थाकासदस्यहरुले संस्थाको परिचयपत्र देखाउनु पर्ने छ ।
स्टार अस्पतालले यसअघिदेखि नै सामाजिक क्षेत्रमा कार्यरत विभिन्न संघ संस्थासँग निरन्तर सहकार्य गर्दै आइरहेको छ ।
