नर्भिकमा आगामी शनिवार बालरोग र हाडजोर्नीको निशुल्क ओपिडी हुने
काठमाडौं,१ मंसिर । नर्भिक अस्पतालमा आगामी शनिवार बालरोग र हाडजोर्नीको निशुल्क ओपिडी सेवा संचालन हुने भएको छ ।
अस्पतालका बालरोग विशेषज्ञ डा.विनिता जोशी र हाडजोर्नी रोग विशेषज्ञ डा.सगुन जोशीले निशुल्क ओपिडी सेवा दिने छन् ।
बिहान १० बजेदेखि १२ बजेसम्म बालरोगको निशुल्क ओपिडी र बिहान ११ बजेदेखि दिउँसो १ बजेसम्म हाडजोर्नीको निशुल्क ओपिडी सेवा संचालन हुने छ ।
विभिन्न स्वास्थ्य समस्याबाट पीडित बालबालिकाले र हाडजोर्नीसँग सम्बन्धित स्वास्थ्य समस्या भोगिरहेकाहरुले निशुल्क ओपिडीबाट लाभ लिनसक्ने अस्पतालले जनाएको छ ।
नर्भिक अस्पतालले आफ्नो सामाजिक उत्तरदायीत्व अन्तर्गत विगत केही महिनादेखि प्रत्येक शनिवार निशुल्क ओपिडी सेवालाई संचालन गर्दै आइरहेको छ ।
निशुल्क ओपिडी सेवा लिनका लागि नर्भिक अस्पतालको कल सेन्टरको नम्बर ५९७००३२ मा सम्पर्क गरेर आफ्नो नाम अग्रिम टिपाउन सकिने छ ।
