के कारणले दुख्यो छाती ? यसरी सकिन्छ जान्न



Download our app to get more features

छाती दुख्दा अधिकांशको दिमागले सीधै मुटुबारे सोच्न थाल्छ ।

छाती दुख्नु मुटुकै समस्याले हो भन्ने धेरैको बुझाइ पाइन्छ । तर, यो बुझाइ गलत हो भन्छन् चिकित्सक । मुटुबाहेक फोक्सो, हड्डी, मांसपेशी, नसा र छालाका कारणले पनि छाती दुख्ने गर्छ । तर, मुख्यतः मुटु, फोक्सो, हड्डी तथा मांसपेशीले छाती दुख्ने बढी हुन्छन् । छाती के कारणले दुख्यो भनेर कसरी थाहा पाउने ? मुटुरोग विशेषज्ञ डा. ओममूर्ति अनिलले दिएका छन्, जवाफः

मुटुको दुखाइ
छातीको बीच भाग वा दायाँ बायाँ एकनासले दुख्ने, दबाब महसुस हुने तथा पोल्ने गर्छ भने यो मुटुको दुखाइले हुने गर्छ । मुटुको दुखाइले छातीमा निम्तिने पीडाको तीव्रता कम या बढी हुन सक्छ । दुखाइसँगै पसिना आउने, बान्ता होलाजस्तो हुने, धड्कन बढ्ने, डर लाग्ने र कमजोर महसुस हुने लक्षण देखिएमा हृदयाघात नै हुन सक्छ । हृदयाघातमा छातीको दुखाइ देब्रेहात, घाँटी, दाँत वा पिठ्युँतिर पनि सर्न सक्छ । मधुमेह, उच्च रक्तचाप, उच्च कोलेस्ट्रोल भएकाहरूले यस्तो दुखाइमा बढी सावधानी अपनाउनुपर्छ ।

फोक्सोको दुखाइ
फोक्सोमा समस्या हुँदा छातीमा निम्तिने दुखाइ मुटुको समस्यामा भन्दा फरक खालको हुन्छ । यो अवस्थामा लामो श्वास लिँदा वा फेर्दा छातीको एकातिर (दायाँ वा बायाँ भाग) करङमा चसक्क दुख्ने गर्छ । दुब्लो व्यक्तिमा यो समस्या बढी देखिन्छ । फोक्सोको समस्याले छाती दुख्दा स्वाँ–स्वाँ हुने र ज्वरो आउने पनि हुन सक्छ । फोक्सोमा निमोनिया भएर पनि छाती दुखेको हुन सक्छ । यस्ता लक्षण देखिए जतिसक्दो छिटो जनरल फिजिसियन वा छातीरोग विशेषज्ञलाई देखाउनुपर्छ ।

मांसपेशी वा हड्डीको दुखाइ
छातीको दायाँ भाग, पछाडिपट्टि वा छेउतिर करङमा दुख्यो भने त्यो मांसपेशी वा हड्डीको दुखाइले हुन सक्छ । यो भागमा दुख्दा मुटुमा समस्या भएको सम्भावना भने कम हुन्छ । मांसपेशी वा हड्डीको दुखाइले छातीमा पीडा भएको वेला हातले छाती छाम्दा, श्वास फेर्दा पनि दुख्ने हुन्छ । छातीलाई घुमाउँदा दुखाइमा परिवर्तन आए मांसपेशी र हड्डीको दुखाइ हुनसक्छ । यो अवस्थामा हाडजोर्नी विशेषज्ञकहाँ जानु राम्रो हुन्छ ।

Last modified on 2019-02-01 08:22:55

2 Comments

  1. lok Bdr budhathoki mgron Mon, Oct 24 2016 05:01 PM

    Mero chati Delhi talako ra dahine side tira Ali vok lageko belama dukhdai janxa kailekahi kai khayo vane Sancho hunxa gyastik ko ausadhi pani khako xu yo gyastik kai karan ho ki aru kai ho plz ramro sallah sujhabko ashama xu

  2. धेरै राम्रो लाग्यो नयाँ ज्ञान प्राप्त भयो यसरी नै राम्रा ज्ञानगुनका लेख post गर्दै रहनुहोला Doctor साब लाई धन्यबाद


फेसबुकबाट तपाईको प्रतिक्रिया

Related Posts