विश्वभर कोरोना संक्रमणपछि निको हुनेको संख्या २३ करोड नाघ्यो, ५१ लाखभन्दा बढीको मृत्यु
एजेन्सी, १ मंसिर । विश्वरभर कोरोना भाइरसको संक्रमणपछि निको हुनेको संख्या २३ करोड नाघेको छ ।
कोरोना महामारी सम्बन्धी तथ्याङ्क अद्यावधिक गर्दै आएको वर्ल्ड मिटरका अनुसार गत २४ घन्टामा विश्वभर रहेका कोरोनाका कारण सक्रिय संक्रमितमध्ये ४ लाख ३९ हजार ४ सय ७० जना स्वस्थ भएका छन् ।
योसँगै विश्वभर कोरोना संक्रमणमुक्त हुनेको संख्या २३ करोड ५ लाख ७९ हजार ६ सय ६९ पुगेको छ ।
यस्तै गत २४ घन्टामा विश्वभर थप ७ हजार ४ सय ८५ जनाको कोरोनाका कारण मृत्यु भएको छ । योसँगै विश्वभर कोरोनाका कारण मृत्यु हुनेको संख्या ५१ लाख २९ हजार ६ सय ४ पुगेको छ ।
गत २४ घन्टामा अमेरिकामा १ हजार २ सय ८२ र रुसमा १ हजार २ सय ४० जनाको कोरोनाका कारण मृत्यु भएको छ ।
अमेरिका र रुस कोरोना माहामारीका कारण पछिल्लो समय बढी प्रभावित हुन थालेको छ ।
गत २४ घन्टामा विश्वभर ४ लाख ९८ हजार ४ सय ३० नयाँ संक्रमित थपिएका छन् । योसँगै विश्वभर कोरोनाका कारण संक्रमित हुनेको संख्या २५ करोड ५० लाख ७१ हजार १ सय ३१ पुगेको छ ।
