मृत महिलाको पाठेघरबाट कसरी भयो बच्चाको जन्म ?


Download our app to get more features
Spark_health_home Blue Bird International Clinic Nepal Sarkar Swasthya Bima Board

बीबीसी, २१, मंसिर ।  मृत्यु भइसकेकी ब्राजिलकी एक महिलाको पाठेघर प्रत्यारोपण गरिएकी महिलले स्वस्थ बालिकालाई जन्म दिएकी छन् । सन् २०१६ मा ब्राजिलको साओ पाउलोमा सो प्रत्यारोपणसम्बन्धी १० घण्टा लामो शल्यक्रिया भएको थियो र पछि गर्भाधानसम्बन्धी उपचार गरिएको थियो।

पाठेघर प्रत्यारोपणपछि आमा बनेकी ती ३२ वर्षीया महिला पाठेघर बिनै जन्मेकी थिइन्। जीवित महिलाले नै दान गरेका पाठेघर प्रयोग गर्दै ३९ वटा पाठेघरहरू प्रत्यारोपण गरिसकिएको छ। त्यसमा छोरीलाई आफ्नो पाठेघर दिने आमाहरू पनि रहेका छन् र ११ जना शिशुको त्यसरी जन्म भइसकेको छ। तर, मृत्यु भइसकेका दाताहरूको पाठेघर प्रत्यारोपण गर्ने यसअघिका १० वटा प्रयासहरू कि त असफल भएका थिए कि त गर्भ तुहिएका थिए।

vayoda

यस पटक, ती पाठेघरदाता ४० वर्षको हाराहारीमा रहेकी तीन छोराछोरीकी आमा थिइन् । जसको मस्तिष्कमा रगत बगेर मृत्यु भएको थियो। पाठेघर प्रत्यारोपण गरिएकी महिला चाहिँ प्रत्येक ४५ सय महिलामा एक जनामा देखिने एक प्रकारको सिन्ड्रोमबाट ग्रस्त थिइन्। त्यस्तो अवस्थामा महिलाको योनी र पाठेघर राम्रोसँग विकसित हुँदैन।
तर उनको डिम्बाशयमा केही समस्या थिएन। र चिकित्सकहरूले उनको डिम्ब निकाल्न सफल भएका थिए र पुरुषको वीर्यसँग गर्भाधान गराई चिस्यानमा राखेका थिए। ती महिलालाई त्यस्ता औषधिहरू दिइएको थियो जसले उनको रोगप्रतिरोधी प्रणालीलाई कमजोर पार्दथ्यो। उनको शरीरलाई पाठेघरको प्रत्यारोपण स्वीकार गराउनका लागि त्यसको गरिएको थियो।

त्यसको झण्डै ६ हप्तापछि उनको महिनावारी हुन शुरू भयो। हृदयाघातको जोखिम पत्ता लगाउन डीएनए परीक्षण सात महिनापछि गर्भाधान गराइएको ती डिम्बहरू उनको पाठेघरमा राखिएको थियो। र, सामान्य गर्भावस्थापछि ती महिलाले सन् २०१७ को १५ डिसेम्बरमा सिजेरियन शल्यक्रियापछि साढे दुई किलोग्राम तौल भएकी शिशुलाई जन्म दिएकी थिइन्।साओ पाउलोस्थित एउटा अस्पतालका डा.  डेनी आइजेनबर्गले भने ‘जीवित दाताहरूबाट गरिएका शुरूवाती पाठेघर प्रत्यारोपणहरू चिकित्सा क्षेत्रका लागि कोसेढुङ्गा थिए। यस्ता प्रत्यारोपणहरूले उपयुक्त दाताहरूसँगको पहुँच तथा आवश्यक स्वास्थ्य सुविधाहरू प्रदान गर्दै बाँझोपन भएका धेरै महिलाहरूलाई आमा बन्न सक्ने सम्भावनाहरूको सिर्जना गरिदिएको छ।’

Last modified on 2018-12-08 16:17:56

ohm pharmaceuticals Kathmandu Cancer Center alka

फेसबुकबाट तपाईको प्रतिक्रिया

Related Posts