कञ्चनपुरमा स्क्रब टाइफसका दुई जना बिरामी फेला
धनगढी, १६ मंसिर । कञ्चनपुरमा स्क्रब टाइफसका दुई जना बिरामी फेला परेका छन् ।
जिल्लाको भीमदत्त नगरपालिमा रहेको महाकाली अस्पतालमा उपचारका लागि पुगेका दुईजना बिरामीमा स्क्रब टाइफसको सङ्क्रमण देखापरेको हो । भीमदत्त नगरपालिका–९ र १८ का दुईजना बिरामीमा स्क्रब टाइफसको सङ्क्रमण देखापरेको अस्पतालका सूचना अधिकारी केशव अवस्थीले पुष्टि गरे । सुदूरका अधिकांश जिल्लामा यो वर्ष स्क्रब टाइफसको संक्रमण फेला परिसकेको छ ।
