स्वास्थ्य तथा जनसंख्या मन्त्रालय आयुर्वेद तथा वैकल्पिक चिकित्सा विभागले कोरोना भाइरस (कोभिड–१९) को उपचार विधि तथा खोप विकास नभैसकेका कारण यस रोगबाट जोगिने उपाए भनेको रोग लाग्नै नदिनु भएको जनाएको छ । यसकारण रोग लाग्नै नदिन शरीरमा रोगसँग लड्न सक्ने क्षमता विकास गर्न विभागले सुझाव दिएको छ ।

रोगप्रतिरोधात्मक क्षमता विकासका लागि निम्न जडिबुटी खान विभागले सुझाव दिएको छ :–
१. गुडूची (गुर्जो) पाँच ग्राम आधा लिटर पानीमा पकाएर आधा बाँकी रहेपछि चिया जस्तैं प्रयोग गरौं ।
२. असुराको पात र बेसारलाई एक लिटर पानीमा पाकाएर आधा बाँकी रहेपछि चिया जस्तंै प्रयोग गरौं ।
३. सुठो, मरिच, पिप्ला दुई ग्राम र तुलसीको पात पाँच वटा एक लिटर पानीमा पकाएर आधा बाँकी रहेपछि सेवन गरौं ।
४. तेजपात दुई ग्राम र दालचिनी दुई ग्राम आधा लिटर पानीमा पाकाएर चिया जस्तैं गरि प्रयोग गरौं ।
५. नियमित रुपमा योग तथा प्रणायम गर्ने गरौं ।

विश्व स्वास्थ्य संगठनद्वारा निर्देशित उपाय

• आत्यावश्यक काम बाहेक घर बाहिर नजाऔं ।
• घरबाहिर निस्कदा मुख, नाक छोप्ने गरि मास्क लगाउने गरौं ।
• साबुन पानीले मिचिमिच राम्रोसँग पटकपटक हात धुने बानी बसालौं ।
• अनावश्यक रुपमा मुख, नाक तथा आँखामा हात लग्ने र मिच्ने नगरौं ।
• अभिवादनका लागि हात मिलाउने र अंकमाल गर्नुको साटो नमस्कार गर्ने गरौं ।
• थप सल्लाह र परामर्शका लागि नजिकको स्वास्थ्य संस्थामा सल्लाह गरौं ।

Hamro Doctor